२१ जेठ २०८३, बिहीबार
क्यानडामा सोमवार सम्पन्न आमनिर्वाचनमा सत्तारूढ लिबरल पार्टीले लगातार तेस्रोपटक विजय हासिल गरेको छ ।
तर उसले बहुमत चाहिँ ल्याउन सकेन ।
लिबरल विजयी भएपछि एरिन ओ टूलको नेतृत्वमा रहेको कन्जर्भेटिभ पार्टीको भविष्य अन्योलमा छ । उनले हार स्वीकार गरेका छन् ।
क्यानडाको संसदमा कुल ३३८ सीट छन् । अहिलेसम्म लिबरलले १५५ सीट जितेको वा अग्रता हासिल गरेको छ भने कन्जर्भेटिभहरू १२१ सीटमा विजयी वा अग्रताको स्थितिमा छन् ।
प्रधानमन्त्री जस्टिन ट्रुडोले विजयी सम्बोधनमा बताए, ‘अहिलेको समयले वास्तविक तथा महत्त्वपूर्ण परिवर्तनको अपेक्षा गरेको छ । तपाईंहरूले यस संसद् र सरकारलाई स्पष्ट दिशा दिनुभएको छ ।’
तर समयभन्दा दुई वर्षअगावै निर्वाचन गराएका ट्रुडोले कठिन प्रश्नहरूको उत्तर दिनुपर्नेछ ।
निर्वाचन अभियानका लागि जम्मा ३६ दिन उपलब्ध थियो । अफगानिस्तान संकट, कोभिडका केसहरूमा वृद्धि तथा राजनीतिक ध्रुवीकरणका बीच निर्वाचन अभियान चलेको थियो ।
