×

Nic Asia
Marvel

आलेख

प्रचण्डको भाषण र नेताहरूको मनस्थितिको चित्रण

काठमाडाैं | असोज २१, २०७८

NTC
TVS INSIDE

सत्ताको कुर्सीबाट ओर्लिएपछि नेकपा (माओवादी केन्द्र) का अध्यक्ष कमरेड पुष्पकमल दाहालका दुई अभिव्यक्ति फेसबूकमा सुनें । पढें पनि । छक्क परेंं म । यो सोच साँच्चिकै पुष्पकमल दाहालको हो ? पुष्पकमल दाहाल रोएको भनी, नकारात्मक चित्रण गरिएको त्यो भाषण उहाँको जीवनको सबैभन्दा राम्रो भाषण हो । 

IME BANK INNEWS
morang Auto yamaha

‘जनयुद्ध’को चर्चा गर्दा पटक–पटक उहाँ भक्कानिनु भयो । जसले बन्दुक उठाएको हुन्छ, त्यसलाई बन्दुकले दिने यातनाको पीडा बढी थाहा हुन्छ । आफ्ना छापामारहरूलाई शुरूदेखि नै श्रममा लगाउन पाएको भए आज हाम्रो पार्टी एक्लैले सरकार चलाउने थियो भन्दा पनि उहाँ भक्कानिनुभएको थियो । ‘पुष्पकमल रोए’ भनेर ज-जसले लेख्नुभयो, उहाँले सामाजिक परिवर्तनको प्रक्रियाका बारेमा केही बुझ्नुभएको रहेनछ भनेर सबैले बुझ्नुभए राम्रो हुन्छ ।


Advertisment
NMB BANK
Saurya island

उहाँका अर्को भाषणको कुरै नगरौं, ‘सत्तामा गएर पनि जनताको सेवा गर्न सकिन्छ भन्ने लागेको थियो, नहुने रहेछ । शहरमा आएर दलाल पूँजीपतिको साथी पो भइएछ, जनता त बिर्सिइएछ ।’

मान्छेको अनुहार देखेर बोल्न सक्ने उहाँको शैलीको बारेमा सुनिएको थियो । हो रहेछ । मलाई विश्वास लाग्यो । प्रगतिशील काम गर्दै प्रतिस्पर्धामार्फत आफ्नो उत्कृष्टता देखाउने भन्ने जनताको बहुदलीय जनवादको निष्कर्ष हो । म बहुदलीय जनवादी हुँ भन्दैमा मान्छे बहदुलीय जनवादी हुँदैन । यो भन्ने कुरा होइन, यो त काम गरेर देखाउने हो ।

Vianet communication
Maruti inside

बहुदलीय जनवाद मान्ने मान्छेले सशर्त सहयोग स्वीकार्दैन । जनताको बहुदलीय जनवादले संविधानभन्दा माथि कसैलाई देख्दैन । जनताको बहुदलीय जनवादले समानताको कुरो गर्छ, धम्कीको होइन । सबैको सम्मान बरोबर हुन्छ, जिम्मेवारीले मान्छेलाई तलमाथि गराउँछ । मैले सुनेको मात्र हो– दक्षिण कोरियामा पद होइन, उमेरलाई मान गरिन्छ । यो सबैभन्दा राम्रो तरिका हो सम्मानको ।

अहिले नेपालका कुनै नेतासँग पनि मार्क्सवादी हुने योग्यता छैन । यी सबै स्टालिनको सर्वहारा वर्गको अधिनायकत्वका पुजारी हुन् । त्यसैले मलाई पुष्पकमलजीको, ‘शहरमा आएर दलाल पूँजीपतिको साथी पो भइएछ, जनता बिर्सिइएछ’ भन्ने प्रस्टीकरण राम्रो लागेको हो । 

वक्ता पुष्पकमल दाहालजी भए पनि उहाँले नेपालका सबै नेताहरूको प्रतिनिधित्व गर्नुभएको छ । पूर्व प्रधानमन्त्रीहरू कसैले पनि जनतालाई दिमागमा राख्नुभएन । आसेपासे र तलुवा चाट्नेहरू बाहेक अरू कसैलाई यिनीहरू पनि म जस्तै मान्छे हुन् भनेर देख्न सक्नुभएन । म जनताको मालिक होइन, सेवक हुँ भन्ने भावना पनि देखाउन सक्नुभएन । 

सत्तरी वर्षको सेरोफेरोमा हिँडिरहेका नेताहरू फनक्कै फर्किएर आफूलाई म मालिक होइन, जनताको सेवक हुँ भन्न सक्नुहुन्छ भन्ने मलाई कहिल्यै लाग्दैन । उहाँहरू त्यसरी सोच्नसक्ने हुनुहुन्थ्यो एकीकृत समाजवादी पार्टी जन्मने नै थिएन । हाम्रो पार्टीको जीवन कस्तो थियो भने एकजना ‘श्रीकृष्ण अनि अरू सबै चमर हम्काउनेहरू’ !

लेख्न र बोल्न समेत महामहिम अध्यक्षको अनुमति लिनु पर्ने ! मेरो गोरखापत्रमा छापिएको एउटा टिप्पणी नै ‘सेन्सर’ मा पर्‍यो ‘प्रधानमन्त्री र राष्ट्रपतिको बारेमा सम्पादन नगरी गोरखापत्रमा छापिएको लेख’ भन्दै एक जना सम्पादकलाई प्रस्टीकरण पनि सोधिएको थियो ।

नेपालका नेता र जनताको बीचमा अन्तरविरोध त थियो नै । ठीक त्यसै समयमा आयो यो एमसीसी भन्ने घाँडो ।

एमसीसी, नेताहरूले हामीलाई झुक्याएर ल्याउन खोजेका हुन् भन्ने जनतालाई लाग्नु हामी सबैका लागि स्वाभाविक हो । हुन पनि सबै ठूला नेताहरू एमसीसी संसदबाट पास गर्ने तर, नेपालको जिम्मा लिएका भविष्यका नेताहरू पास गर्न नमान्ने दुई भागमा बाँडिए ।

अमेरिकाले बुझाउन नचाहेपछि नेपालका एमसीसीवादीहरूले सम्झाउन त सक्नु पर्‍यो नि !  किन हामीलाई एमसीसी चाहियो, त्यसबाट देशले के पाउँछ, कुन आधारमा त्यसले मुलुकलाई समृद्धि दिन्छ भन्नेजस्ता प्रश्नहरूको उत्तर त दिनु पर्‍यो नि ! नेपालका एमसीसीवादीहरूले ‘यो त पास गर्नै पर्छ’ भन्दैमा अबका नेपालीहरू मान्दैनन् ।

एमसीसी के हो ? अहिले यसलाई संसदबाट पास गराउने आवश्यकता किन पर्‍यो ? जस्ता प्रश्न उठाउने अधिकार जनताबाट खोस्न पनि पाइँदैन ।

हाम्रा नेताहरूलाई जनतालाई नटेर्ने बानी छ । कोशी, गण्डकी, र टनकपुरमा यही भएको थियो । ती ठाउँहरूमा कहिल्यै सार्वजनिक सुनुवाइ गरिएन । एकीकृत महाकाली सन्धिमा पनि यो सुनुवाइ गर्ने काम भएन । सार्वजनिक सुनुवाइ गरिएको यो देशमारा सन्धि हुने नै थिएन । यो एमसीसीलाई पनि उहाँहरूले सामान्य ठान्नु भएको थियो कि ! अथवा जनतालाई सुसूचित गरियो भने उनीहरूले काम थाल्नै नदिने पो हुन् कि ! भन्ने डरले उहाँहरूलाई तर्साएको थियो कि ! 

जे भए पनि एमसीसीवादीहरूकै गम्भीर गल्ती छ । हाम्रा नेताहरूले या त जनतालाई संघीयताको उपहार दिनै हुँदैनथ्यो, अधिकार दिइसकेपछि खोस्न त पाइदैन नि ! तपाईंहरू हिजोको पञ्चायती व्यवस्थाका नेताहरू त होइन, जहाँ ठूलाबडाले बोलेपछि हुन्छ, त्यो सर्वसम्मत हुने चलन थियो ।

तपाईंहरू बहुदलीय प्रजातन्त्र, संवैधानिक राजतन्त्रको कालमा पनि हुनुहुन्न । जहाँ नेता ठूलै हुन्, जनता मतदाता मतदातै हुन् भन्ने सोच बलियो थियो । अहिले त तपाईंहरू सबैभन्दा ठूलो पालिका सरकार हो भन्ने समयमा हुनुहुन्छ । तपाईंहरूले नै भाषण गर्नुभएको हो – ‘घरघरमा सिंहदरबार’ भनेर । जनताले त सिंहदरबार भन्ने नाम मात्र सुनेका थिए, सिंहदरबार भनेको शासनको स्रोत भन्ने ज्ञान तपाईंहरूले बुझाउनु भएको हो ।

मेरो काम तपाईंहरूलाई सचेत तुल्याउने मात्र हो– जनतालाई दिएको अधिकार जनताबाट नखोस्नुस् । जनताको कुरो सुन्नुहोस्, फातिमा सुमारको धम्की होइन । यो नेता र जनताबीचको दूरी बढाउने सम्झौता हो ।

TATA Below
NLIC
fman
बैशाख ९, २०७९

जसरी अक्सर इतिहास विजेताको घोडा हो भन्ने बुझाइ छ, त्यसैगरी द्रव्य कहिलेकाहीँ कानूनको बुई चढेर न्यायको आत्मालाई बन्धक बनाउने दुस्साहस गर्छ । यदि हामी संशोधित इतिहासमाथि विश्वास गर्छौं भने निष्पक्षताको फराकिलो ...

बैशाख १३, २०७९

१९ औं शताब्दीमा अन्य देशमा लुई पास्चर, माइकल फराडे, अल्फ्रेड नोबेलजस्ता महान वैज्ञानिक जन्मिँदा १७ औं शताब्दीबाट शुरू भएको गोर्खा साम्राज्य किन पुरातन युगमै बाँच्न बाध्य भयो ? हाम्रोमा त्यस्ता महान वैज्ञानिकहरू नै ज...

बैशाख ११, २०७९

टाठाबाठाहरूले लोकतन्त्रलाई सरल स्वरूपलाई जटिल बनाइरहेका छन् । त्यसो गर्दा नै लोकतन्त्रका लाभहरू आफ्ना पोल्टामा पार्न सकिन्छ । वास्तवमा यो जटिल बनाइनुपर्ने विषय नै होइन, यो निकै सरल विषय हो । राष्ट्र सबै नागरिकक...

बैशाख १८, २०७९

‘इधम जिवेत सुखम जिवेत ऋण कृत्वा घ्रितम पिवेत’ सुन्नमा मजा आउँछ तर सुनदेखि नूनसम्म विदेशबाट आयात गर्ने देशका नागरिक हामी वर्तमानमा रमाउँछौं । संसारमा खुशी मानिसमध्ये हामी पनि पर्छाैं अर्थात् भौतिक...

बैशाख २१, २०७९

जसरी सौता-सौताका छोराछोरी मिलेर आमाको अस्तित्व रक्षाका लागि खडा हुन्छन्, त्यसरी नै नेपाली कांग्रेस र नेकपा (माओवादी केन्द्र) आमासरहकै संविधानको रक्षाका लागि खडा भएका छन् । तर, केही व्यक्तिहरू आधुनिक जमानाको काल...

बैशाख २३, २०७९

स्थानीय तह निर्वाचनको मतदान मितिभन्दा ठीक ११ दिनअघि, सोमवार (१९ वैशाखमा) निर्वाचन आयोगले एउटा चेतावनीयुक्त विज्ञप्ति जारी गर्‍यो । विज्ञप्ति चेतावनीयुक्त यसकारण पनि थियो कि त्यसमार्फत आयोगले निर्वाचन आचारसंह...

नयाँ बजेटमा वामदेवका ५ सुझाव– १८ वर्ष पुगेकालाई जागिर, नभए बेरोजगार भत्ता

नयाँ बजेटमा वामदेवका ५ सुझाव– १८ वर्ष पुगेकालाई जागिर, नभए बेरोजगार भत्ता

जेठ ९, २०७९

अर्थमन्त्री जनार्दन शर्माले आर्थिक वर्ष २०७९/८० का निम्ति प्रस्तुत गर्ने बजेटका सिद्धान्त र प्राथमिकताका सम्बन्धमा छलफलका निम्ति राष्ट्रिय सभाको बैठकमा दस्तावेजसहित आफ्ना विचारहरू प्रस्तुत गर्नुभयो । स्थानीय तहको निर्वाचन आ...

स्वार्थ बाझिने मुद्दा आए न्यायाधीशले के गर्ने ?

स्वार्थ बाझिने मुद्दा आए न्यायाधीशले के गर्ने ?

जेठ ९, २०७९

सार्वजनिक जिम्मेवारी वा पदमा रहेका व्यक्तिले एकातर्फ आफ्ना जिम्मेवारी इमान्दारितापूर्वक निर्वाह गर्नुपर्छ भने अर्कोतर्फ सो कार्यसम्पादनमा विभिन्न किसिमका निजी स्वार्थहरू पनि उपस्थित हुनसक्छन् । यस्तो पदीय कर्तव्य र निजी स्व...

'नेताले माओवादी छाडे तर जनताले छाडेनन्'

'नेताले माओवादी छाडे तर जनताले छाडेनन्'

जेठ ४, २०७९

रातको १ बजे यो आलेख लेख्दासम्म नेकपा माओवादी केन्द्रले देशभरका ७९ स्थानीय तहमा विजय हाँसिल गरेको छ, साथै ३८ स्थानमा अग्रता कायम गरेको छ ।  यसरी हेर्दा माओवादीले ११०–१२० स्थानीय तह जित्ने आकलन ग...

ad
x