२९ असार २०८३, सोमबार
सरकारले राष्ट्रिय खेलकुद परिषद्का सदस्य सचिव रमेश सिलवाललाई बर्खास्त गरेको छ ।
यसअघि सोधिएको स्पष्टीकरणको जवाफ चित्तबुझ्दो नभएपछि सोमवार बसेको मन्त्रिपरिषद् बैठकबाट बर्खास्त गरिएको सरकारका एक मन्त्रीले जानकारी दिए ।
कार्यसम्पादन प्रभावकारी नभएको भन्दै सिलवाललाई बर्खास्त गरिएको छ । उनलाई निवर्तमान प्रधानमन्त्री केपी शर्मा ओली नेतृत्वको सरकारले नियुक्त गरेको थियो ।
ओलीकै पालामा नियुक्त भएका राष्ट्रिय युवा परिषद्का अध्यक्ष माधव ढुंगेल र युवा स्वरोजगार कोषका उपाध्यक्ष कल्याण रोकालाई समेत हटाउने तयारी रहेको स्रोतले जनाएको छ । ढुंगेल र रोकालाई समेत केही हप्ताअघि स्पष्टीकरण सोधिएको थियो ।
ओली सरकारले गरेका राजनीतिक नियुक्ति खारेज गर्ने क्रममा सिलवाल बर्खास्तीमा परेका बताइएको छ ।
