सुनौली नाकाबाट गैरकानुनी रूपमा नेपाल भित्रिएर काठमाडौं आइपुगेका ७ अफगानी नागरिक बसेको कोठामा प्रहरीले छापा मारेको छ ।

कात्तिक ४ गते काठमाडौं आइपुगेका ५ र असोज २४ गते आएका दुई गरी ७ अफगानीलाई पक्राउ गर्न प्रहरी खटिएको छ । त्यही क्रममा सिनामंगलस्थित एक घरमा भाडामा बसेका एकै परिवारका ५ अफगानीलाई नियन्त्रणमा लिन लागिएको हो । 

अरू २ अफगानी बानियाँटारमै बसेको सूचना प्रहरीले पाएको छ । 

उनीहरूलाई पनि नियन्त्रणमा लिन प्रहरी खटिएको छ । सातैजनालाई पक्राउ गरी अध्यागमन विभागलाई बुझाउने तयारी भएको प्रहरी प्रधान कार्यालय स्रोतले बतायो ।