३० जेठ २०८३, शनिबार
महिला अधिकारका नाममा पुरुषविरुद्ध घृणा फैलाउने अभिव्यक्ति दिएको आरोपमा टर्कीको अदालतले महिला अधिकारकर्मी ३४ वर्षीया पिनार इलदिरिमलाई जेल सजाय गरेको छ ।
ट्विटरमा ‘मलाई पुरुष मन पर्दैनन्’ लेखेबापत पिनारलाई ५ महिना जेल सजाय भएको हो ।
पिनार महिला अधिकारका क्षेत्रमा क्रियाशील छिन् । उनले महिला अधिकारको कुरा गर्दा पुरुषविरुद्ध घृणा फैलाउने गरेकाले सजाय गरिएको डेली स्टारमा खबर छ ।
पिनारले भने पुरुषप्रति घृणा फैलाउने आफ्नो उद्देश्य नभएको स्पष्टीकरण दिएकी थिइन् । उनले भनेकी छन्, ‘एक ट्वीट गर्दा जेल सजाय हुने मेरो समझमा आएन ।’
