हाल नेपालमा उल्लेखनीय मौसम प्रणाली नरहेको जल तथा मौसम पूर्वानुमान महाशाखाले जनाएको छ । महाशाखाका अनुसार आइतबार बिहान देशको पहाडी तथा हिमाली भूभागमा आंशिक बदली र बाँकी भूभागमा मौसम सामान्यतया सफा रहेको छ ।
यस्तै दिउँसो पनि पहाडी भूभागमा आंशिक बदली  तथा बाँकी  भूभागमा मौसम सामान्यतया सफा रहने छ । तर, प्रदेश  नं १, बागमती  प्रदेश  र  गण्डकी  प्रदेशको एक दुई स्थानहरुमा हल्का वर्षाको सम्भावना रहेको छ भने उच्च पहाडी तथा हिमाली भूभागका  एक वा दुई स्थानहरुमा हल्का हिमपातको सम्भावना रहेको छ ।

यसैगरी राति  प्रदेश  नं १, बागमती प्रदेश र गण्डकी प्रदेशमा आंशिक देखि सामान्य बदली र बाँकी भूभागमा आंशिक बदली  रहने छ। प्रदेश  नं १, बागमती  प्रदेश  र  गण्डकी  प्रदेशको एक दुई स्थानहरुमा हल्का वर्षाको संभावना रहेको छ भने उच्च पहाडी तथा हिमाली भू(भागका  एक वा दुई स्थानहरुमा हल्का हिमपातको सम्भावना रहेको छ ।