०३ असार २०८३, बुधबार
धादिङबाट वीरगंजतर्फ जाँदै गरेको ना.५ ख ५३७२ नम्बरको बसका यात्रुको नगद एक लाख ५ हजार रूपैयाँ लुटपाट भएको छ ।
लुटपाट गरेको आरोपमा सोही बसमा सवार काभ्रे घर भएका ३० वर्षीय राजु लामा सहित २ जनालाई शनिवार दिउँसो प्रहरीले पक्राउ गरेको हो ।
बसमा सवार जितपुरसिमरा उपमहानगरपालिका-७ बस्ने ४५ वर्षीय पुरूषको साथबाट राजु लगायत ३ जनाले हातपातसमेत गरी उक्त नगद लुटपाट गरेको प्रहरीले जनाएको छ ।
इलाका प्रहरी कार्यालय जितपुरबाट खटिएको प्रहरीले उनीहरूमध्ये २ जनालाई उक्त नगदसहित फेला पारी पक्राउ गरेको हो । हाल फरार एक जनाको खोजी भइरहेको प्रहरीले जनाएको छ ।
