नेकपा एकीकृत समाजवादीले विदेश विभाग प्रमुखको जिम्मेवारी वरिष्ठ नेता झलनाथ खनाललाई दिएको छ ।

बुधवार बसेको पार्टी केन्द्रीय सचिवालयको बैठकले खनालको नेतृत्वमा ७ सदस्यीय विदेश विभाग गठन गरेको हो । 

पार्टी उपमहासचिव तथा कार्यालय सचिव गंगालाल तुलाधरले बिहीवार विज्ञप्ति जारी गर्दै सचिवालय बैठकका निर्णय सार्वजनिक गरेका छन् ।

बैठकले संगठन विभागको प्रमुखमा डा. बेदुराम भुसाल, शिक्षा विभाग प्रमुखमा डा. गंगालाल तुलाधर, विपद् व्यवस्थापन विभाग प्रमुखमा डा. गंगालाल तुलाधर र सहकार्य विभाग प्रमुखमा गोविन्द कोइरालालाई जिम्मेवारी दिएको छ ।

बैठकले न्यायपालिकामा देखापरेको समस्याप्रति गम्भीर रूपमा ध्यान दिई उपयुक्त निकास निकाल्न ५ दलीय गठबन्धनमा छलफल गर्ने निर्णय समेत गरेको छ ।