२१ जेठ २०८३, बिहीबार
नेकपा एमालेको नयाँ नेतृत्व चयनका लागि पार्टीको निर्वाचन आयोगले कार्यतालिका सार्वजनिक गरेसँगै नेतृत्वका आकांक्षीले उम्मेदवारी दर्ता गराउन शुरू गरेका छन् ।
केन्द्रीय सदस्यका आकांक्षीहरूले दरखास्त फाराम लिएर उम्मेदवारी दर्ता गराउने तयारी गरेका हुन् ।
केन्द्रीय सदस्यका लागि रश्मी आचार्य, रामचन्द्र न्यौपाने लगायतले फाराम लिएर मनोनयन दर्ताको तयारी गरेका छन् ।
निर्वाचन आयोगका अनुसार मध्यराति १२ बजेसम्म केहीले फाराम लिएर गएपनि उम्मेदवारी भने दर्ता भइसकेको छैन ।
साढे १२ बजेसम्म उम्मेदवारी मनोनयन गर्ने र सोमवार बिहान ९ बजेदेखि मतदान गर्नेगरी निर्वाचन आयोगले कार्यतालिका प्रकाशित गरेको थियो ।
