लोक सेवा आयोगद्वारा स्थानीय तहका लागि आह्वान गरिएको परीक्षामा उत्तीर्ण भएपछि पदस्थापन गरिएको कार्यालयप्रति असन्तुष्ट र हाजिरी गर्न समस्या भएका छैठौं तह र सोभन्दा तलका १ हजार ६ सय १३ कर्मचारीको सरुवा भएको छ ।

​विभिन्न खाले समस्या देखाएर अन्य स्थानीय तहमा सरुवा मागेका ती कर्मचारीलाई अन्तिम पटकका लागि भन्दै सरुवा गरिएको हो । यसरी निवेदन दिएकामध्ये ५७ जनाको भने सरुवा अस्वीकृत भएको संघीय मामिला तथा सामान्य प्रशासन मन्त्रालयले जनाएको छ ।

२०७६ सालमा लोक सेवा आयोगबाट स्थानीय तहका लागि ९ हजार ४ सय जना कर्मचारीको नयाँ भर्ना गरेर समायोजन प्रक्रियाअन्तर्गत स्थानीय तहमा कामकाज गर्नका लागि पदस्थापन गरिएको थियो। तर समायोजन रोजेर स्थानीय पालिकामा हाजिर हुन जाँदा त्यहाँका पालिका प्रमुखले हाजिर हुनबाट वञ्चित गराएका कारण कतिपयलाई रोजेकोभन्दा अन्य पालिकामा पनि सरुवा गरिएको थियो।

त्यस कारण स्थानीय तहमा सरुवा भएर गएका कर्मचारीहरू समायोजनलाई लिएर असन्तुष्ट थिए।

हेर्नुहोस्, सूची :