२९ जेठ २०८३, शुक्रबार
नेपाली कांग्रेसको नयाँ नेतृत्व चयनका लागि भएको मतदानको समय एक घण्टा थपिएको छ ।
मतपत्र सकिएपछि लामो समय मतदान रोकिँदा भोट नहाली होटलमा फर्किएका मतदातालाई मतदानमा ल्याउनका लागि समय थपिएको स्रोतले जानकारी दियो ।
मतपत्रको अभावमा मतदान रोकिँदा केही प्रतिनिधि रिसाएर सुत्न भन्दै होटलमा फर्किएका थिए ।
ती प्रतिनिधिलाई फर्काउनका लागि कांग्रेस सभापति एवं प्रधानमन्त्री शेरबहादुर देउवाको निर्देशनमा मतदानको समय थपिएको स्रोतको दाबी छ ।
अहिले होटलबाट प्रतिनिधिहरूलाई स्कोर्पियोमा राखेर मतदान स्थलमा ल्याइँदैछ ।
निर्वाचन समितिका अनुसार अब राति साढे ११ बजेसम्म मतदान जारी रहनेछ ।
