३१ असार २०८३, बुधबार
कांग्रेस सभापतिको लागि दोस्रो चरणमा हुने मतदानमा शेरबहादुर देउवालाई सघाउन आग्रह गर्दै गृहमन्त्री बालकृष्ण खाण सभापतिको प्रतिस्पर्धाबाट बाहिरिएका प्रकाशमान सिंहको निवासमा पुगेका छन् ।
पहिलो चरणमा कसैको बहुमत नआएपछि देउवालाई समर्थन गर्न आग्रह गर्दै मन्त्री खाण र कांग्रेस सुदूरपश्चिमका सभापति वीरबहादुर बलायर प्रकाशमान सिंहको निवासमा पुगेका थिए ।
नेता सिंहले कार्यकर्तासँग परामर्श गरेर जवाफ दिने बताएको स्रोतले बतायो । नेता सिंहले शेरबहादुर देउवाबाट पार्टी चल्न नसकेको भन्दै सभापतिमा उम्मेदवारी दर्ता गराएका थिए ।
विगतमा संस्थापनइतर समूहमै रहेका नेता सिंह र शेखर कोइरालाबीच मत बाँडिएको थियो ।
कोइरालाले पनि आफूलाई सघाउन नेता सिंहसँग आग्रह गरेका छन् ।
पहिलो चरणमा कसैले स्पष्ट बहुमत ल्याउन नसकेपछि दोस्रो चरणमा धकेलिएको छ ।
प्रकाशमान सिंह र विमलेन्द्र निधिको समर्थन दोस्रो चरणका लागि निर्णायक हुने देखिएको छ ।
