नेपाली कांग्रेसको १४ औं राष्ट्रिय महाधिवेशनअन्तर्गत महामन्त्री पदको मतगणनामा गगन थापाले फराकिलो अग्रता कायम राखेका छन् ।

३०० मत गन्दा गगनले २०० मत प्राप्त गरेका छन् । दोस्रोमा रहेका प्रदीप पौडेलले ११०, विश्वप्रकाश शर्माले १०४, प्रकाशशरण महतले ९१ मीनेन्द्र रिजालले ५५ मत प्राप्त गरेका छन् ।

कांग्रेस मुख्यालय सानेपामा ३ स्थानमा मतगणना भइरहेको छ ।

सभापति र उपसभापति पदको मत गणना भने यसअघि नै सकिएको छ ।

सभापतिमा शेरबहादुर देउवा विजयी भएका छन् भने उपसभापतिमा पूर्णबहादुर खड्का र धनराज गुरुङले जित हात पारेका छन् ।