नेकपा माओवादी केन्द्र बागमती प्रदेशको नयाँ नेतृत्वसहितको पदाधिकारी चयनका लागि भएको मतदानमा २७ जना प्रतिस्पर्धी रहेका छन् । निर्वाचन समितिले तय गरेको मनोनयन दर्ताको समयमा २९ जनाले उम्मेदवारी दिएकामा दुई जनाले उम्मेदवारी फिर्ता लिएपछि २७ जना प्रतिस्पर्धीको अन्तिम टुंगो लागेको हो ।

जसअनुसार अध्यक्षमा दिनानाथ गौतम र सरल सहयात्री पौडेलले उम्मेदवारी दर्ता गराएका छन् । यस्तै उपाध्यक्ष पदमा १० जनाको उम्मेदवारी परेको छ भने सचिवमा ३ जनाको उम्मेदवारी परेको छ । यस्तै सहसचिव पदमा पनि ९ जनाको उम्मेदवारी परेको छ भने कोषाध्यक्षमा ३ जनाले उम्मेदवारी दिएका छन् । उपाध्यक्ष र सहसचिव ३–३ जना निर्वाचित हुन्छन् भने अध्यक्ष, सचिव र कोषाध्यक्ष १–१ जना निर्वाचित हुन्छन् ।
अध्यक्षसहितको पदाधिकारी चयनका लागि राजधानीको एक पार्टी प्यालेसमा मतदान जारी रहेको छ ।