०७ असार २०८३, आइतबार
प्रधानमन्त्री कप राष्ट्रिय क्रिकेट प्रतियोगिताका लागि पोखरा रंगशालामा जारी गण्डकी प्रदेश छनोट प्रतियोगिताअन्तर्गत शुक्रवारको खेलमा स्याङ्जा विजयी भएको छ ।
पोखरा रंगशालास्थित क्रिकेट मैदानमा सम्पन्न खेलमा स्याङ्जाले तनहुँमाथि ३ रनको रोमाञ्चक जीत निकालेको हो ।
खेलमा टस जितेर पहिला ब्याटिङ गरेको स्याङ्जाले निर्धारित ४० ओभरको खेलमा ३३ दशमलव ४ ओभरमा सम्पूर्ण विकेट गुमाएर १२३ रनको योगफल तयार गरेको थियो ।
स्याङ्जाको तर्फबाट सन्दीप क्षेत्रीले ४० तथा ईश्वर क्षेत्रीले २५ रन जोडे । तनहुँका बलरहरू दिनेश बुढामगरले ३ तथा अभिषेक बस्नेतले २ विकेट लिए ।
जीतका लागि १२४ रनको लक्ष्य पछ्याएको तनहुँ जीतको नजिकै पुगेर पनि सफलता हासिल गर्न सकेन । तनहुँका खेलाडीहरू ३७ दशमवल ५ ओभरमा १२० रनमा अलआउट हुन पुगे । तनहुँका समिर कँडेलले ३५ रन जोडे पनि अन्य ‘ब्याट्स म्यान’हरूले उल्लेख्य रन जोड्न सकेनन् ।
स्याङ्जाको बलिङतर्पm ‘म्यान अफ द म्याच’ अशोक श्रेष्ठले ३ विकेट लिए । ईश्वर खनाल, विपिन राज न्यौपाने र सुरज गुरुङले समान १/१ विकेट लिए । गण्डकी प्रदेश क्रिकेट संघले प्रधानमन्त्री कपका लागि गण्डकी प्रदेशको टोली छनोट गर्न प्रतियोगिता आयोजना गरेको हो ।
पुस १३ गतेसम्म सञ्चालन हुने छनोट प्रतियोगितामा कास्की, तनहुँ, स्याङ्जा र नवलपुर गरी ४ जिल्लाको सहभागिता रहेको संघका अध्यक्ष देवेन्सन प्रजुले जानकारी दिए ।
