गृहमन्त्री बालकृष्ण खाँणले संघीय इकाइ प्रहरी कार्यालय भैरहवाको निवासमै मृत अवस्थामा फेला परेएका नेपाल प्रहरीका वरिष्ठ उपरीक्षक (एसएसपी) सुशीलकुमार यादवका परिवारसँग भेटघाट गरेका छन् ।

शुक्रवार साँझ घटनास्थलमा पुगेर गृहमन्त्री खाँणले एसएसपी यादवका परिवारसँग भेट गरी घटनाबारे जानकारी लिए ।

एसएसपी यादवको शव बिहान ११ बजेतिर झुण्डिएको अवस्थामा निवासमै भेटिएको थियो ।

गृहमन्त्री खाँणले उनको मृत्युको कारण खोज्न प्रहरीलाई निर्देशन समेत दिए । प्रहरी प्रवक्ता बसन्त कुँवरले घटनाको कारण नखुलेको र अनुसन्धान भइरहेको जानकारी दिए ।