३० असार २०८३, मंगलबार
कोभिड–१९ को ओमिक्रोन भेरिएन्टबाट सङ्क्रमित भारतीय क्रिकेटका पूर्व कप्तान सौरभ गाङ्गुली भर्ना भएको चार दिनपछि शुक्रबार अस्पतालबाट डिस्चार्ज भएको उनको उपचारमा सम्लग्न एक वरिष्ठ चिकित्सकले बताए ।
भारतीय क्रिकेट टिमका पूर्व क्याप्टेन ४९ वर्षीय गाङ्गुलीलाई सोमबार कलकत्तास्थित अस्पतालमा भर्ना गरिएको थियो । गाङ्गुलीलाई कोभिड–१९ को ओमिक्रोन भेरिएन्ट भाइरस सङ्क्रमण पुष्टि हुँदा हल्का ज्वरो देखिएको थियो ।
चिकित्सकले एएफपीसँग भने, “ओमिक्रोन भेरिएन्टको परीक्षणमा सङ्क्रमण नदेखिएपछि उनले घर जाने इच्छा व्यक्त गरेकोले अस्पतालबाट डिस्चार्ज गरिएको हो ।
उनका भाइ स्नेहासिशले एएफपीसँग गाङ्गुली ले उनकोे उपचारको क्रममा ‘एन्टिबडी ककटेल थेरापी’ लिएको बताए ।
भारतका अत्यधिक लोकप्रिय क्रिकेट खेलाडीहरूमध्ये एक र देशको क्रिकेट बोर्डका प्रमुखसमेत रहेका गाङ्गुलीलाई यस वर्षको सुरुतिर छाती दुखेको कारण दुई पटक अस्पतालमा भर्ना गरिएको थियो । उक्त समय उनको ‘एन्जियोप्लास्टी’ गरिएको थियो ।
