पछिल्लो २४ घण्टामा थप ३२६ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयले सोमवार सार्वजनिक गरेको अद्यावधिक विवरणअनुसार १२ हजार ४९८ जनामा परीक्षण गर्दा ३२६ जनामा संक्रमण पुष्टि भएको हो ।

कोरोना संक्रमण निको भई २५५ जना डिस्चार्ज भएका मन्त्रालयले जनाएको छ । देशभर सक्रिय संक्रमितको संख्या ५००५ रहेको छ ।

कोरोनाले थप २ जनाको मृत्यु भएको छ । यससँगै मृत्यु हुनेको कूल संख्या ११ हजार ५९८ पुगेको मन्त्रालयले जनाएको छ ।