नेकपा एमालेको आठौं  जिल्ला अधिवेशनका लागि बैतडी जिल्लाका सबै वडाबाट प्रतिनिधि छनोट गरिएका छन् । 

पुस २३ गतेदेखि पाटनमा हुने जिल्ला अधिवेशनका लागि प्रतिनिधि छनोट सम्पन्न हुन् । १०० संगठित सदस्य बराबर १ महिलासहित ३ जना प्रतिनिधि छनोट हुने प्रावधान छ । 

यसैगरी दलित संगठित सदस्यबाट १०० बराबर १ महिलासहित ३ जना प्रतिनिधि छनोट हुने प्रावधान छ । सोहीअनुसार ५०९ प्रतिनिधि छनोट गरिएका एमाले केन्द्रीय सदस्य तथा जिल्ला सहइञ्चार्ज लीलाधर भट्टले जानकारी दिए ।

यसैबीच प्रतिनिधि छनोटसँगै अधिवेशनको  सरगर्मी बढेको छ । आगामी नेतृत्वका लागि नेता आन्तरिक तयारीमा जुटिरहेका छन् भने अधिवेशन सफल पार्नका लागि अन्य तयारीसमेत तीव्र पारिएको जनाएको छ ।

अधिवेशनबाट नेतृत्व लिनका लागि नेताले तयारी थालिसकेका छन् । जिल्ला अध्यक्षका रुपमा हाल नेतृत्व सम्हालिरहेका सुरेन्द्र पाल र पञ्चेश्वर गाउँपालिकाका अध्यक्षले नेतृत्वमा दाबी गरिरहेका छन् ।

जिल्ला सहइञ्चार्ज भट्टले नेतृत्वका लागि जति जनाले दाबी गरिरहेका भए पनि सर्वसम्मतिबाटै नयाँ नेतृत्व चयन हुने बताए ।

उनले भने, ‘अधिकतम प्रयास सर्वसम्मतको हुन्छ, सहमति हुन नसकेमा भने लोकतान्त्रिक विधिमार्फत निर्वाचनमा जान्छौं समूहगत रूपमा उम्मेदवारी हुँदैन । स्वतन्त्र रूपमा मापदण्ड पुगेकाले दिन पाउँछ ।’

बैतडीमा हाल एमालेका ९ हजार ३२९ संगठित सदस्य रहेका बताइएको छ ।