सोच्नुहोस् त, एक पटक कुनै काममा असफल भएमा तपाईं के गर्नुहुन्छ ? वा एउटै काममा पटक पटक असफल भएमा तपाईंले के गर्नुहुन्छ ? 

हामी सबैको जवाफ हुन्छ : त्यसलाई त्यागिदिने र नयाँ काम गर्ने । 

यहाँ हामीले यस्तो व्यक्तिको चर्चा गर्दैछौँ, जसले जीवनमा निरन्तर असफलता व्यहोरेपनि आफ्नो रहर कहिल्यै फेरेनन् र अन्ततः सफल भएरै छाडे ।

यो घटना भारतको राजस्थानस्थित जालोरको हो । 

त्यहाँको सरदारगढ गाउँमा ७७ वर्षीय एक वृद्ध बस्छन् ।

उनले हालसम्म ५५ पटक कक्षा १० को परीक्षा दिइसकेका छन् । तर सबैमा फेल भए । 

तर पनि उनले हार मानेनन् र ५६ औं पटकको परीक्षामा भने पास हुन सफल भए । 

अहिले ती वृद्ध कक्षा १२ को परीक्षाका लागि तयारी गरिरहेको इण्डिया डटकमले उल्लेख गरेको छ । 

उनी सेवानिवृत्त सरकारी कर्मचारी हुकुमदास वैष्णव हुन् । २००५ मा चर्तुथ श्रेणीको कर्मचारीका रुपमा त्यहाँको ट्रेजरी विभागबाट सेवा निवृत्त भएका थिए ।

त्यसपछि उनले अध्ययनलाई निरन्तरता दिएका हुन् ।