निकुञ्ज सुरक्षार्थ खटिएको खड्गदल गणमा कार्यरत अमल्दार गुप्तबहादुर थापाको हात्तीको आक्रमणबाट मृत्यु भएको छ । 

जिल्ला प्रहरी कार्यालय चितवनका अनुसार हात्तीको आक्रमणमा परी सख्त घाइते थापाको उपचारका क्रममा शनिवार राति ११ बजे पुरानो मेडिकल कलेजमा मृत्यु भएको हो ।

कार्यालयका प्रवक्ता तथा प्रहरी नायव उपरीक्षक नरहरि अधिकारीका अनुसार बागलुङ घर भई खड्गदल गणमा कार्यरत ३५ वर्षीय थापा शनिवार साँझ  ६ बजे निकुञ्ज सुरक्षार्थ साइकल गस्तीमा निस्किएको समयमा उनलाई निकुञ्जमै जंगली हात्ती धुर्वेले आक्रमण गरेको थियो ।