२१ असार २०८३, आइतबार
नेपालमा एकै दिन आठ लाख ७३ हजार ४३८ मात्रा खोप लगाइएको छ ।
स्वास्थ्य तथा जनसङ्ख्या मन्त्रालयका अनुसार लक्षित समूहअनुसार १८ वर्षभन्दा माथिका ८१ प्रतिशतले पूर्ण मात्रा खोप लगाइसकेका छन् भने पहिलो मात्रा लगाउने ९० दशमलव ८ प्रतिशत पुगेको छ ।
हालसम्म १८ वर्षमाथिका एक करोड ८० लाख ८५ हजार ५३९ जनाले पहिलो मात्रा खोप लगाएका छन् ।
यस्तै, १८ वर्षमाथि पूर्ण मात्रा खोप लगाउनेको सङ्ख्या एक करोड ६१ लख ३७ हजार ९३० जनाले पूर्ण मात्रा लगाएका छन् ।
यसैगरी, मन्त्रालयका अनुसार १८ वर्षमुनिका बालबालिकामा ६५ प्रतिशतले पूर्ण मात्रा खोप लगाएका छन् । पहिलो मात्रा लगाउने ८८ प्रतिशत पुगेका छन् । हालसम्म चार करोड ७८ लाख ८२ हजार ८०० मात्रा खोप नेपालमा आएको छ । गोरखापत्र दैनिकमा खबर छ ।
