१२ असार २०८३, शुक्रबार
नेपाली काँग्रेस सिन्धुलीको यही फागुन १५ गते हुने जिल्ला अधिवेशनमा जिल्ला सभापतिको दाबी गर्दै छ जनाले उम्मेदवारी घोषणा गरेका छन् ।
काँग्रेसको १४औँ महाधिवेशनअन्तर्गत हुने जिल्ला अधिवेशनमा सभापति पदका आकाङ्क्षी सामाजिक सञ्जाल र भेटघाटलाई तीव्र बनाई भोट माग्न व्यस्त छन् ।
वर्तमान जिल्ला सभापति उज्ज्वलप्रसाद बराल, उप–सभापति खड्गबहादुर वाइबा, महाधिवेशन प्रतिनिधिहरू उपेन्द्रकुमार पोखरेल, प्रेमचन्द्र दाहाल, विश्वनाथ कोइराला र विदुर वाइबाले सभापति पदमा उम्मेदवारी घोषणा गरेका छन् ।
अधिवेशनको मिति नजिकिएसँगै जिल्ला कार्यसमितिका बाँकी पद उपसभापति, सचिव, सह–सचिव र कार्यसमिति सदस्य पदमा उम्मेदवारी घोषणा गर्ने बढ्दै गएका छन् ।
क्षेत्रीय प्रतिनिधिहरू अधिकांश युवा भएका र उम्मेदवारी घोषणा गर्ने पनि धेरैजसो युवा नै रहेको कमलामाई नगरपालिका–४ का क्षेत्रीय प्रतिनिधि सन्तोष दाहाल बताउँछन् । गोरखापत्र दैनिकमा खबर छ ।
