२८ जेठ २०८३, बिहीबार
चितवन राष्ट्रिय निकुञ्जमा गैँडा मारेर खाग चोरी गरेको आरोपमा एक जनालाई प्रहरीले पक्राउ गरेको छ ।
चितवन कालिका नगरपालिका–२ का ४० वर्षीय राजन प्रजालाई महानगरीय प्रहरी वृत्त बालाजुको टोलीले १७ फागुनमा पक्राउ गरेको हो ।
उनी काठमाडौं महानगरपालिका–१६, वनस्थलीमा लुकीछिपी बसेको प्रहरीको भनाइ छ ।
थप कारवाहीका लागि उनलाई चितवन राष्ट्रिय निकुञ्ज कार्यालयमा पठाइएको प्रहरीले जनाएको छ । प्रहरीका अनुसार उनी गत असारमा भएको गैँडा मारेर खाग चोरीको घटनामा संलग्न थिए ।
