२९ असार २०८३, सोमबार
अमेरिकाको रिपब्लिकन पार्टीका सिनेटर लिन्डसे ग्राहमले रुसका राष्ट्रपति भ्लादिमिर पुटिनको हत्या गर्न उक्साएका छन् ।
उनले रुसी सेनामा ब्रुटस वा सफल कर्नेल स्टाउफनबर्ग छैन भनी प्रश्न गरेका छन् ।
रोमन जनरल जुलियस सीजरलाई ब्रुटसले हत्या गरेका थिए भने जर्मन सेनाका कर्नेल स्टाउफनबर्गले सन् १९४४ मा एडोल्फ हिटलरको हत्याको प्रयास गरेका थिए ।
अनेकौं ट्वीट गर्दै ग्राहमले भने, ‘रुसमा कुनै ब्रुटस छैन ? रुसी सेना सफल कर्नेल स्टाउफनबर्ग छैन ? रुसमा कसैले यो मान्छेलाई सिध्याए मात्र युद्धको अन्त्य हुन्छ । यसलाई सिध्याएमा तपाईंले आफ्नो देश र संसारलाई महान् सेवा गर्न सक्नुहुन्छ ।’
रुसले अघिल्लो साताको बिहीवारदेखि युक्रेनविरुद्ध सैन्य कारवाही चलाएपछि ग्राहमको टिप्पणी आएको हो । त्यसअघि रुसले युक्रेनको पूर्वी भागमा रहेको डोनेत्स्क र लुहान्स्क क्षेत्रलाई स्वतन्त्र राष्ट्रको दर्जा दिएको थियो ।
