२५ जेठ २०८३, सोमबार
प्रमुख प्रतिपक्षी दल नेकपा एमालेको नाराबाजीका बावजूद सभामुख अग्नि सापकोटाले महाभियोग सिफारिश समिति गठन गरेका छन् ।
आइतवार बसेको प्रतिनिधि सभा बैठकमा सभामुख अग्नि सापकोटाले महाभियोग सिफारिश समिति गठन सम्बन्धी प्रस्ताव पेश गरेका हुन् ।
समितिमा नेकपा एमालेका ४, कांग्रेस र माओवादीका दुई-दुई तथा एकीकृत समाजवादी, जसपा र लोसपाका १/१ सदस्य छन् ।
समितिमा एमवाल मिया, कल्याणी खड्का, कृष्णभक्त पोखरेल, प्रमोद साह, मीन विश्वकर्मा, यशोदा गुरुङ सुवेदी, रामबहादुर विष्ट, रेखा शर्मा, लालबाबु पण्डित, विष्णु पौडेल र शिवमाया तुम्बाहम्फे सदस्य छन् ।
पदीय आचरणअनुसार काम नगरेको र भ्रष्टाचार गरेको आरोप लगाउँदै सत्ता गठबन्धनमा आबद्ध दलले प्रधानन्यायाधीश चोलेन्द्र शमशेर जबराविरुद्ध फागुन १ गते प्रतिनिधि सभामा महाभियोग प्रस्ताव दर्ता गरेका थिए ।
संसद् सचिवालयमा दर्ता भएको एक हप्तापछि संसदमा महाभियोग प्रस्तावबारे छलफल गर्नुपर्ने भएपनि २२ दिन पुग्दासमेत छलफल हुन सकेको छैन ।
