नाबालिग गायिकालाई बलात्कार गरेको आरोपमा पक्राउ परेका नायक पल शाहका म्यानेजरलाई पनि तनहुँ प्रहरीले नियन्त्रणमा लिएको छ  । 
पलका म्यानेजर कृष्णप्रसाद जोशीलाई नियन्त्रणमा लिएको जिल्ला प्रहरी कार्यालय तनहुँका प्रवक्ता प्रहरी नायव निरीक्षक युवराज खड्काले बताए । शुक्रबार दिउँसो दमौलीबाट जोशीलाई नियन्त्रणमा लिएको उनले बताए । ‘अनुसन्धानका लागि उहाँलाई पनि नियन्त्रणमा लिएका हौं’, उनले भने । 

फागुन १५ मा पक्राउ परेका पललाई हाल हिरासतमा राखेर अनुसन्धान भइरहेको छ भने यो बीचमा गत मंगलबार तनहुँ प्रहरीले इलाका प्रहरी कार्यालय गैँडाकोट पुर्‍याएको छ । त्यहाँ पनि तिनै नाबालिगले उजुरी दिएकी छन् ।