काठमाडौं, २३ असार –सेयर कारोबार अब अनलाईनबाटै गर्न सकिने भएको छ । नेपाल स्टक एक्चेन्ज (नेप्से)ले आगामी कात्तिक २१ गतेदेखि अनलाईनबाटै सेयर कारोबार गर्ने गरी त्यसको तयारी अघि बढाएको छ ।
अनलाइनबाटै कारोबार गर्ने भएपछि अब शेयर खरिदकर्ता तथा विक्रीकर्तालाई ब्रोकरकहाँ जानुपर्ने झन्झटबाट मुक्ति मिल्ने भएको छ ।
‘अब सेयर खरिदकर्ता तथा विक्रेताले आफ्नै मोवाईल वा इन्टरनेट उपकरणबाट सेयर खरिद तथा विक्री गर्न सक्नेछन्,’ नेप्सेका महाप्रवन्धक सिताराम थपलियाले भने ।
अनलाईनबाट सेयर कारोबार गर्नका लागि सर्वप्रथम सेयर खरिदकर्ता तथा विक्रीकर्ताले अनलाईन प्रणालीमा दर्ता गर्नुपर्नेछ । त्यसपछि भने घरमै बसीबसी शेयर किनबेच गर्न सकिने नेप्सेले जनाएको छ ।
