२३ असार २०८३, मंगलबार
बिजुली आपूर्तिमा समस्या हुँदा नेपालले भारतसँग किन्ने बिजुली प्रति युनिट ३८ रुपैयाँ पुगेको छ ।
नेपाल विद्युत प्राधिकरणका अनुसार विश्वब्यापी मन्दीका कारण आपूर्ति कम हुँदा आज राती १२ बजेबाट प्रति युनिट भारु २० पर्दै छ ।
यसले गर्दा नेपालले किन्ने लागत ३८ रुपैयाँ पुग्ने प्राधिकरणका प्रवक्ता सुरेश भट्टराईले बताए ।
प्राधिकरणले भारु २० मा लागत समेत जोडेर ३८ रुपैयाँ प्रति युनिटमा विद्युत खरिद गर्न लागेको हो ।
यसअघि नेपालले भारतसँग २ देखि ६ भारुमा विद्युत किन्ने गरेको थियो । रुस र युक्रेन युद्धपछि बिजुली खरिद महङ्गो परेको उनले जानकारी दिए ।
प्राधिकरणले बिहीवार पत्रकार सम्मेलन आयोजना गरेरै प्रस्ताव नै नपर्दा नेपालले किन्ने बिजुली महङ्गो परेको जानकारी दिएको छ ।
प्राधिकरणका कार्यकारी निर्देशक कुलमान घिसिङले हिजोसम्म १२ भारुमा प्रस्ताव हाल्दा पनि प्रस्ताव नपरेको बताए ।
उनले आजबाट २० भारुमा विद्युत किन्ने भएपछि आजबाट आपूर्ति सहज हुने बताए ।
घिसिङले बजारमा लोडसेडिङ हुन्छ कि भन्ने आशंका भएको बताउँदै तर लोडसेडिङ नहुने स्पष्ट पारे ।
उनले भने,' प्राधिकरणले घाटा खाएरै भएपनि विद्युत ब्यवस्थापन मिलाउँछौँ ।'
यो अबस्था रहिरहे प्राधिकरणलाई एक महिनामै ८ अर्ब घाटा हुने घिसिङले बताए ।
