तीन दिने नेपाल भ्रमणमा रहेका चिनियाँ विदेशमन्त्री वाङ यीले भ्रमणको अन्तिम दिन आज (आइतवार) राष्ट्रपति विद्यादेवी भण्डारीसँग शिष्टाचार भेट गरेका छन् ।

बिहान साढे ९ बजे शीतल निवास पुगेर वाङले राष्ट्रपति भण्डारीसँग शिष्टाचार भेट गरेका हुन् ।

राष्ट्रपति भण्डारीसँगको भेट लगत्तै चिनियाँ विदेशमन्त्री वाङले नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’सँग छुट्टाछुट्टै भेटवार्ता गर्नेछन् । 

भेटवार्तापछि उनी आजै स्वदेश फर्कने कार्यक्रम रहेको छ ।