३१ असार २०८३, बुधबार
नेकपा माओवादी केन्द्रका अध्यक्ष पुष्पकमल दाहाल प्रचण्ड र चिनियाँ विदेशमन्त्री वाङ यीका बीच भेटवार्ता भइरहेको छ ।
काठमाडौंको नक्सालस्थित मेरियट होटलमा उनीहरूबीच भेटवार्ता भइरहेको हो ।
भेटमा माओवादीका तर्फबाट नेता नारायणकाजी श्रेष्ठ, शक्ति बस्नेत, प्रचण्डका स्वकीय सचिव रमेश मल्ल र गंगा दाहाल छन् ।
वाङ यीले प्रचण्डलाई भेट्नुअघि एमाले अध्यक्ष केपी शर्मा ओलीसँग भेट गरेका थिए ।
ओलीसँगको भेटवार्ता नसकिँदै प्रचण्ड वाङलाई भेट्न मेरियट होटल पुगेका थिए ।
शुक्रवार नेपाल भ्रमणमा आएका चिनियाँ विदेशमन्त्री वाङ आजै स्वदेश फर्किने कार्यक्रम रहेको छ ।
चिनियाँ विदेशमन्त्री वाङ नेपाल आएको समयमा नेपाल र चीनका बीच ९ बुँदे सहमति भएको छ ।
