३० असार २०८३, मंगलबार
पश्चिमाञ्चल टैङ्कर व्यवसायी संघले पेट्रोलियम पदार्थको ढुवानी नरोक्ने भएको छ ।
शुक्रवार पत्रकार सम्मेलन गर्दै संघका महासचिव भुपराज अर्यालले ढुवानी कार्य निरन्तर गर्ने जनाएका हुन् ।
विज्ञप्तिमा भनिएको छ,‘सामाजिक उत्तरदायित्वमा समेत हामी व्यवसायीहरू जिम्मेवार हुने र समाजमा नकरात्मक सन्देश जाने देखिएको हुँदा हाललाई निगमले गरेको अनुरोधलाई स्विकार गरी हाम्रा संयुक्त ६ बुँदे यथार्थ मागहरु यथावतै रहेको तर आन्दोलनको कार्यक्रम स्थगित गरीएको जानकारी गराउँछौँ ।’
कमिशन र ढुवानी भाडा बढाउन माग गर्दै ढुवानी व्यवसायीले शुक्रवारबाट पेट्रोलियम पदार्थको आपूर्ति रोकेपछि पश्चिमाञ्चल टैङ्कर व्यवसायीले भने आन्दोलनमा सहभागी नहुने जनाएका हुन् ।
