आसन्न  स्थानीय  तहको  निर्वाचनमा  विवेकशील  साझा  पार्टीको  तर्फबाट  काठमाडौँ  महानगरका  प्रमुख  तथा  उपप्रमुख  पदका  प्रत्याशीहरूले  प्रतिज्ञापत्र  सार्वजनिक गरेका छन् ।

ललितपुर बखुण्डोलस्थित पार्टी मुख्यालयमा शनिबार  आयोजित  पत्रकार  सम्मेलनमा  नगरप्रमुख पदका प्रत्याशी समीक्षा बाँस्कोटा र नगर उपप्रमुख पदका प्रत्यासी कीर्ति तुलाधरले चुनावी प्रतिज्ञापत्र सार्वजनिक गरे।

उनीहरूले प्रतिज्ञापत्रमा मुख्य गरी भ्रष्टाचार नियन्त्रण,  सुशासन  र  सेवा  प्रवाह,  सुलभ,  व्यवस्थित,  विद्युतीय  यातायात,  नेवाः  कला–संस्कृतिको  पुनर्जागरण,  खुला  क्षेत्रको  संरक्षण  र  विस्तार,  नदीनालाको  सफाइ  र  पुनस्र्थापना,  सफा  र  व्यवस्थित  काठमाडौँ  र  गुणस्तरीय  शिक्षा,  स्वास्थ्य  र  सामाजिक  सुरक्षालगायतका  विषयमा  व्यापक  विकास  र  तथा  सुधार  गर्ने  प्रतिबद्धता गरे ।

सो अवसरमा पार्टी अध्यक्ष रवीन्द्र मिश्रले काठमाडौँ   महानगरपालिकामा   यस   पटक   आफ्ना  पार्टीको  तर्फबाट  उम्मेदवारी  दिएका  प्रत्याशीहरूलाई विजयी गराई सेवाको मौका दिन आग्रह गरे ।  गोरखापत्र दैनिकमा खबर छ ।