कात्तिक २२, २०८०
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
२०६१ चैत ७ गते रातीवेनी आक्रमणमा बायाँ हात र खुट्टामा गोली लागेको घाउका कारण धनबहादुर विक हिमाललाई उकालोओरालोमा हिँड्न त्यति सहज छैन । तर, पार्टीले ताराखोला गाउँपालिका अध्यक्ष पदको टिकट दिएपछि फेरि उनी एकपटक जनताको घरआँगनमा घाइते शरीर लिएर पुगिरहेका छन् ।
प्रायः आफ्नै जन्मस्थान ताराखोलाको करिमेलामा वरिपरि देखिरहने हिमाललाई ताराखोलामा नचिन्ने कमै छन् ।
स्कुले केटाकेटीहरूले पनि भन्ने गर्छन्- यो अंकलले कपडा पनि सधैँ पुरानो लगाएर गाउँमै बस्नुहुन्छ ।
अधिकांश नेताहरू शहर केन्द्रित गतिविधि गरिरहँदा उनले भने गाउँ छाडेका छैनन् । उनको जीवनशैली एकदमै सादगी छ ।
रमझम, फुर्तीफार्ती र हाटहुट गर्न कमै रुचाउने हिमाल जनताको नजरमा एक साधु जस्तै छन् । ४५ वर्ष पुग्दासमेत उनले बिहे गरेका छैनन् । जीवनको ऊर्जाशील समय राजनीतिमा सक्रिय हुँदा बिहे गर्ने फुर्सद पाएनन् रे उनले ।
नेकपा माओवादी ताराखोला गाउँपालिकाका इन्चार्ज पदम खत्री दिवस भन्छन्, 'हिमाल दाइलाई पार्टीले टिकट दिएर शहीद परिवार, घाइते तथा उत्पीडित वर्गका लागि न्याय दिलाएको छ । बागलुङ जिल्लाको माओवादी आन्दोलनमा हिमालको योगदान कसैको भन्दा कमी छैन ।'
त्यसो त २०५० सालमा लडाकूदल सदस्य तथा तारा गाविसको किसान संघको अध्यक्ष हुँदा र अहिले गाउँपालिका अध्यक्षको उम्मेदवार हुँदै गर्दा हिमालको जीवनमा धेरै तीतामीठा अनुभवहरू पनि छन् ।
आफूसँगै माओवादी युद्धमा होमिएका सहयात्री प्रकाश घर्तीमगरले उनीविरुद्ध बागी उम्मेदवारी दिएका छन् । घर्ती निवर्तमान गाविस अध्यक्ष हुन् । यसपालि पार्टीले दोहोर्याएर टिकट नदिएपछि उनले स्वतन्त्र भएर उमेदवारी दिएका छन् ।
२०५८ सालमा तत्कालीन संकटकालको समयमा सेनाले हिमालको घरमा बम बिस्फोट गराइदिएको थियो । त्यसक्रममा उनी पनि मारिएको हल्ला चलेको थियो । तर, उनी भाग्न सफल भएका थिए । उनको साइँला दाजुका छोरी लक्ष्मी विकसमेत युद्धमै मारिएका थिए ।
पार्टीका कार्यकर्तासँग घरदैलौ अभियान गरिरहेका हिमाल भन्छन्, 'केही सहयात्रीहरुले मलाई हराउन तिर लागे पनि ताराखोलाका जनताले मलाई नै जिताउँछन् भन्ने पूर्ण विश्वास लिएको छु । साथीहरूलाई पनि बधाई नै छ, तर योगदानमा आधारित अवसर पार्टीले दिएको हो, मैले खोज्दै हिँडेको होइन ।'
उनले पार्टीले नेता बनाउने भएकाले व्यक्तिभन्दा विचार ठूलो भएको बताए । 'अहिलेसम्म म कुनै लाभको पदमा थिइनँ, साथीहरूलाई जिताएरै पठाएको हो, अहिले टिकट नपाएको भए पनि पार्टीको निर्णयविपरीत उठ्ने थिइनँ,' उनी भन्छन् ।
२०६२ सालमा नेपाल दलित मुक्ति मोर्चाको गण्डक क्षेत्रको संयोजक भएर गण्डकी, धौलागिरि र लुम्बिनी अञ्चलमा काम गरेका हिमाल अब भने आफ्नै जन्मभूमि ताराखोलामा काम गर्ने अवसर पाएका छन् । ताराखोलाको एकीकृत विकासका निम्ति उनले थुप्रै योजनाहरू डायरीमा टिपेर राखेका छन् ।
सस्तो लोकप्रियताका लागि आफूले अनावश्यक कुरा भाषणबाजी गर्ने स्वभाव नभएको भन्दै ताराखोलाका जनताको लागि के चाहिएको हो त्यो आफूलाई राम्रोसँग थाहा भएको उनले बताए । उनी भन्छन्, 'यहाँको कृषि र पर्यटनका लागि महत्त्वपूर्ण कदम उठाउनु छ र मुख्य कुरा सडकको स्तरोन्नति गर्नुछ ।'
भ्रष्ट्राचार नगर्ने संकल्प गरिएको प्रतिबद्धता पत्रमा हिमालले कृषि, शिक्षा, स्वास्थ्य, पूर्वाधार विकास, पर्यटन रोजगारलगायतका योजना तथा नीति कार्यक्रममा समेटेका छन् । कृषि उपजको भण्डार, कृषि बिमालाई प्रोत्साहन गरेर र वितरणमा आफ्नो विशेष ध्यान रहेको बताएका छन् । छिमेकी जिल्ला सँगको सडक मार्ग विस्तार पनि उनको योजना रहेको छ ।
आफ्नो पार्टी नेकपा माओवादीले उठाएको मुद्दालाई स्थापित गर्ने जिम्मेवारी पनि आफूहरूकै भएको हिमाल बताउँछन् । भन्छन्, 'धेरै युद्ध जितियो, कठिन परिस्थितिमा देशैभरिका आन्दोलनमा महत्त्वपूर्ण भूमिका निर्वाह पनि गरियो, अब आफ्नै जन्मभूमिमा मेरो परीक्षा चलेको छ ।'
उनले गठबन्धनसँगको सहकार्य पनि मजबुत भएकाले जित्ने अपेक्षा रहेको बताए । उनले भने, 'ताराखोलाको विकसित हुने सपना पूरा गर्नुछ । हेरौँ के-के हुन्छ ।'
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...