२९ असार २०८३, सोमबार
कपिलवस्तुको महाराजगञ्ज नगरपालिकामा नेपाली कांग्रेसबाट उपप्रमुख पदकी उम्मेदवार शुभावती कुर्मीको सोमवार राति मृत्यु भएको छ ।
निवर्तमान उपप्रमुख समेत रहेकी उनको तौलिहवास्थित जिल्ला अस्पतालमा उपचारका क्रममा मृत्यु भएको हो ।
उनको हृदयघातका कारण निधन भएको बताइएको छ ।
महाराजगञ्जका निर्वाचन अधिकृत कुवेर पाण्डेले उम्मेदवारको मृत्युबारे आफूहरुलाई बिहान लिखित जानकारी आएको बताए ।
उनले कुर्मीको निधनको जानकारी आफूहरूले निर्वाचन आयोगमा गराइसकेको भन्दै आयोगको निर्देशन आफूहरूले कुरेर बसेको बताए ।
कुर्मी महाराजगन्ज नगरपालिका–२, गैडहवाकी बासिन्दा हुन् । यसभन्दा अगाडी कपिलवस्तुमा बुद्धभूमि नगरपालिका वडा नं. ८ का वडाध्यक्षका उम्मेदवार ओमप्रकाश तिवारीको पनि मृत्यु भएको थियो ।
