२१ असार २०८३, आइतबार
बुटवल उपमहानगरपालिकामा गठबन्धनबाट उम्मेदवार बनेका नेपाली कांग्रेसका खेलराज पाण्डेले ४ हजार ४४६ मतले अग्रता लिएका छन् ।
हालसम्म २७ हजार ३४४ मत गणना हुँदा पाण्डेले १३ हजार ४१८ मत ल्याएका छन् ।
उनका प्रतिस्पर्धी नेकपा एमालेका बाबुराम भट्टराईले ८ हजार ९७२ मत मात्र ल्याएका छन् ।
उपप्रमुखमा एमालेकी सावित्रा अर्यालले ९ हजार ९७८ मत ल्याएकी छन् । उपप्रमुखमा नेकपा एकीकृत समाजवादीका चीनबहादुर गुरूङले ७ हजार २७७ मत ल्याएका छन् ।
हालसम्म बुटवलका ११ वडाको मत परिणाम आइसकेको छ । जसमा २ वडा एमाले र अरु सबै कांग्रेस सहितको गठबन्धनले जितेको छ । बुटवलमा १९ वडा छन् ।
