कात्तिक २१, २०८०
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
असार १३, २०७९
‘लोकान्तर राउण्ड अप’ मा पाठकवृन्दलाई स्वागत छ । सधैँझै आज पनि हामी बितेका २४ घण्टाका मुख्यमुख्य घटनाक्रमसहित उपस्थित भएका छौँ–
सत्तामा पुगेपछि कतिसम्म पदलोलुपता हुन्छ भन्ने कुरा आइतबार बिदा भएका एकीकृत समाजवादीका ४ मन्त्रीको व्यवहारबाट पुष्टि भएको छ । क्रान्तिकारिताको पर्यावाची जस्तै रहेकी रामकुमारी झाँक्री र संसदीय राजनीतिका खेलाडी विरोध खतिवडा जस्तोका व्यवहारले यसलाई पुष्टि गरेको हो । हुन पनि सहरी विकासमन्त्रीबाट बिदा भएकी रामुकमारी झाँक्री मन्त्रालयमा आयोजित पत्रकार सम्मेलनमै रोइन् । उनले आँसु खसालिरहेको तस्बिर यतिबेला सामाजिक सञ्जालमा भाइरल भइरहेको छ भने उनको विषयमा विभिन्न टिकाटिप्पणी भइरहेको छ।
भलै टिकाटिप्पणी सकारात्मक नकारात्मक दुबै देख्न सकिन्छ । जस्तो टिकाटिप्पणी भएपनि क्रान्तिकारी छवि भएकी रामकुमारीको पदलोलुपता कतिसम्म भएको भनेर भन्नेहरु नै धेरै छन् । यस्तै विरोध खतिवडाले पनि पद जोगाउन अनेक प्रयत्न गरे । अन्ततः केही नलागेपछि उनी सिंहदरबारबाट आफ्नै पार्टी एकीकृत समाजवादी र नेतृत्वसँग रिसाउँदै उनी बाहिरिन बाध्य भएका छन् । पर्यटन मन्त्री प्रेम आले र श्रममन्त्री किसन श्रेष्ठ त विवादका पर्याय नै भइहाले । मन्त्री हुँदा या नहुँदा उनीहरुको विवादित हर्कत बिर्सनलायक छन् । उनीहरु पनि नचाहँदा नचाहँदै मन्त्री छाड्न बाध्य भए भने उनीहरुको असन्तुष्टि आउँदा दिनमा थप प्रकट नहोला भन्न सकिन्न ।
०००००
प्रधानमन्त्री शेरबहादुर देउवाको सिफारिसमा राष्ट्रपति विद्यादेवी भण्डारीले नयाँ मन्त्रिनियुक्त गरेकी छन् । राष्ट्रपतिले समाजवादीका पुरानामन्त्रीलाई बिदा गरेर नयाँलाई नियुक्त गरेकी हुन् । जसअनुसार पर्यटनमन्त्रीमा जीवनराम श्रेष्ठ, शहरी विकास मन्त्रीमा मेटमणि चौधरी, स्वास्थ्य तथा जनसंख्या मन्त्रीमा भवानीप्रसाद खापुङ र श्रम, रोजगार तथा सामाजिक मन्त्री शेरबहादुर कुँवर नियुक्त भएका छन् । हीराचन्द्र केसी स्वास्थ्य तथा जनसंख्या राज्यमन्त्री बनेका छन् । उनीहरुको शपथ सोमबारका लागि तय भएको छ ।
००००
नेकपा एमालेका सचिव एवं सांसद योगेश भट्टराईले नेकपा एकीकृत समाजवादीका अध्यक्ष माधवकुमार नेपाललाई सन्यास लिएर बस्न सुझाव दिएका छन् ।
आईतवार प्रतिनिधि सभाको बैठकपछि सञ्चारकर्मीहरुसँग कुरा गर्दै सांसद भट्टराईले अध्यक्ष नेपाल राजनीति र जीवन दुवैको उत्तराद्र्धमा रहेकोले सन्यास लिएर बस्न सुझाव दिएका हुन् । उनले केही दिनअघि अध्यक्ष नेपालले १० भाई एमालेका दास हौ, तिमीहरुले हाम्रो खैरो खन्छौ भन्ने भाषण गरेकोप्रति सांसद भट्टराईले माधव नेपाल जत्तिको शीर्ष नेताले सम्हालिएर बोल्नुपर्ने बताए । उनले समाजवादीका अध्यक्ष नेपाल राजनीतिबाट नै अवकाश लिने बेलामा अर्को पार्टी बनाउँछु भन्दै धुलो उडाउनुको तुक नरहेको पनि स्पष्ट पारे । सांसद भट्टराईले आफूले गरेका गल्तीहरुलाई आत्साथ गर्दै नयाँ पुस्तालाई राजनीति, पार्टी, मुलुक सुम्पेर आफू आनन्दले बस्न सुझाव दिए । उनले मुख छोड्दै हिँड्ने हो भने आफूलाई पनि त्यो भन्दा धेरै मुख छोड्न आउने बताए ।
००००
काठमाडौं स्कुल अफ ल विश्वविद्यालय अनुदान आयोगबाट गुणस्तर सुनिश्चितता तथा प्रत्यायनको प्रक्रिया पूरा गरी प्रत्यायनकृत हुने नेपालको पहिलो कानुन कलेज बनेको छ । नेपालमा उच्च शैक्षिक संस्थाहरूको गुणस्तर मापन गरी गुणस्तर सुनिश्चितता तथा प्रत्यायनबाट प्रत्यायनकृत गर्ने कार्य विश्वविद्यालय अनुदान आयोगले गर्ने गरेको छ । राष्ट्रिय शिक्षा नीति, २०७६ ले उच्च शैक्षिक संस्थाहरूलाई गुणस्तर सुनिश्चितता तथा प्रत्यायनको प्रक्रियामा लैजाने नीति ग्रहण गरेको छ । यो उच्च शैक्षिक संस्थाहरूको गुणस्तर निर्धारण गर्ने प्रक्रिया हो । यसबाट प्रत्यायनकृत हुने शैक्षिक संस्थाहरू गुणस्तरीय र अन्तर्राष्ट्रिय स्तरको छ भन्ने बुझाउँछ ।
००००
काठमाडौँको चन्द्रागिरिको जङ्गलबाट तीन विदेशी नागरिकको उद्धार गरिएको छ । शनिबार साँझ जङ्गलमा विदेशी हराएको भन्ने सूचनाका आधारमा प्रहरी वृत्त थानकोटबाट खटिएको टोलीले उनीहरुलाई सकुशल उद्धार गरेको हो ।
००००
नेकपा माओवादी केन्द्रको विद्यार्थी संगठन अखिल क्रान्तिकारीको संगठन विभाग प्रमुखको जिम्मेवारी दिपेश पुनले पाएका छन् ।
गत असार ५ गते बसेको संगठनको तेस्रो बैठकले पुनलाई संगठन विभाग प्रमुखको जिम्मेवारी दिएको हो ।
बैठकले विभिन्न २७ वटा विभागमा जिम्मेवारी प्रदान गरेको छ ।
००००
पेट्रोलियम पदार्थको मूल्य घटाइएसँगै सार्वजनिक यातायातको भाडादर पनि घटाइएको छ । आइतवार यातायात व्यवस्था विभागले अन्तरप्रदेश चल्ने यात्रीवाहक र मालवाहक सवारीसाधनको भाडादर घटाएको हो ।
यात्रीवाहक सवारीमा ५.४१, पहाडी बाटोमा सञ्चालन हुने मालवाहक सवारीमा ६.९७ र तराईको बाटोमा सञ्चालन हुने मालवाहक सवारीमा ७.६८ प्रतिशतले भाडा घटाइएको यातायात व्यवस्था विभागले जनाएको छ ।
००००
ललितपुर महानगरपालिकामा आइतवारदेखि पानीपुरी र चटपटे बिक्रीमा रोक लगाइएको छ । हैजाको जोखिमलाई मध्यनजर गर्दै महानगरपालिकाले एक हप्ताका लागि ठेलामा पानीपुरी बिक्रीमा रोक लगाएको हो ।
००००
कटुवा पेस्तोलसहित काठमाडौंमा दुई जना पक्राउ परेका छन् । प्रहरी प्रभाग गोंगबु नयाँ बसपार्कबाट खटिएको प्रहरी टोलीले काठमाडौं महानगरपालिका–६, मित्रनगरको एउटा खाजाघरमा कटुवा पेस्तोलसहित २ जनालाई पक्राउ गरेको हो ।
००००
आफ्नै कोठामा मृत फेला परेकी लोक दोहोरी गायिका दिलमाया सुनार प्रकरणमा अनुसन्धानका लागि प्रहरीले एक जनालाई पक्राउ गरेको छ ।
आत्महत्या दुरुत्साहन मुद्दामा सिन्धुपाल्चोक साँगाचोकगढीका सूर्य भनिने खीलबहादुर श्रेष्ठलाई पक्राउ गरिएको काठमाडौं उपत्यका प्रहरी कार्यालयले जानकारी दिएको छ ।
००००
व्यापारीलाई धम्काएर ७ करोड रूपैयाँ ‘बार्गेनिङ’ गरेको आरोपमा पक्राउ परेका सातै जना धरौटीमा छुटेका छन् ।
काठमाडौं जिल्ला अदालतका न्यायाधीश कृपासुर कार्कीको शुक्रवारको इजलासले उनीहरूलाई धरौटीमा छाड्न आदेश दिएको हो ।
००००
उद्योग वाणिज्य तथा आपूर्ति मन्त्री दीलेन्द्र बडूले मूल्यवृद्धिका कारण सर्वसाधारणमा पर्न गएको पीरमर्का, सदनमा भएको ध्यानाकर्षण र उपभोक्ताबाट आएको गुनासोपछि इन्धनको मूल्य घटाएको दाबी गरेका छन् । जनउत्तरदायी सरकार भएकोले जनताको पीरमर्कालाई बुझेर मूल्य घटाएको उनले दाबी गरे ।
आइतवार प्रतिनिधि सभा बैठकमा सभामुखसँग समय लिएर मन्त्री बडूले मूल्य घटाएपछि सेवा क्षेत्रको मूल्यवृद्धि पनि घट्ने विश्वास व्यक्त गरेका हुन् ।
००००
शेयर बजारमा साताको पहिलो दिन आइतवार सकारात्मक सुधार देखिएको छ । आइतवार एकै दिन बजार ९४.९२ अंकले बढेको छ । १८४८ अंकमा झरिसकेको शेयर बजार पछिल्लो दुई दिनदेखि बढ्न थालेको छ । आइतवार मात्रै बजार ५.१० प्रतिशतले बढेर १९५६ बिन्दुमा पुगेको छ ।
००००
नेपाली कांग्रेसले विराटनगर महानगरपालिकाका निवर्तमान मेयर भीम पराजुलीसहित ७ जनालाई कारबाहीको सिफारिस गरेको छ । पराजुली कांग्रेसका केन्द्रीय सदस्यसमेत हुन् ।
आफ्नै पार्टीका उम्मेदवारलाई हराउन अन्य पार्टीका उम्मेदवारलाई सघाएको भन्दै पराजुलीकै वडाका ७ जनालाई कारबाही गर्न जिल्ला कमिटीलाई सिफारिस गरिएको हो ।
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...