०६ साउन २०८३, बुधबार
शेयर बजार मापक सूचक नेप्से परिसूचक मंगलवार एकैदिन ४४.८० अंकले घटेको छ । बजार २.१० प्रतिशतले घटेर २०८८.१६ विन्दुमा झरेको छ । आइतवार र सोमवार लगातार बढेर २१३२ विन्दुमा पुगेको नेप्से परिसूचक मंगलवार भने घटेको छ ।
बजार घटेको दिन सबैभन्दा बढी कमाउनेमा मल्टिपर्पोज फाइनान्स कम्पनी रहेको छ । यसको शेयर मूल्य ९.३२ अंकले बढेको छ । मंगलवार गुमाउनेमा भने गणपति लघुवित्तको ६.८२ प्रतिशतले शेयर मूल्य घटेको छ ।
नेप्सेमा सूचीकृत कम्पनीमध्ये आज २२२ कम्पनीको ८७ लाख कित्ता शेयरको ६० हजार पटक कारोबार भएको छ । यसबाट कुल ३ अर्ब ७० करोड रुपैयाँको कारोबार भएको नेप्सेले जानकारी दिएको छ ।
बजार घटेको दिन सबैभन्दा बढी कारोबार गर्नेमा शिवम् सिमेन्ट रहेको छ । यसको २११७ पटकबाट १९ करोड ३६ लाख रुपैयाँको कारोबार गरेको छ ।
