स्पेन, १३ साउन— स्पेनबासी नेपाली हिन्दू धर्मावलम्बीहरुले नागपञ्चमीको अवसरमा आज सांस्कृतिक आस्थादेवता नागको पूजा गरेका छन् ।
आफ्नो संस्कृतिलाई सम्झने हेतुले बार्सिलोनामा टिकाराम कडेल शास्त्रीको अगुवाईमा नागपूजा गरिएको हो । शास्त्रीले नेपाली बसोबास रहेको घरहरुमा पुगेर ढोकाअगाडि नाग टास्ने काम गरेका थिए ।
शास्त्रीले भने, ‘आफ्नो सांस्कृतिलाई बचाउनु हाम्रो कर्तब्य हो । त्यसैले हाम्रो परम्परा अनुसार मैले सम्भव भएसम्म नेपालीको घरघरमा पुगेर नागको फोटो टाँसिदिएँ ।’
गैरआवासिय नेपाली संघ स्पेनको कार्यसमिति सदस्य समेत रहेका उनले एनआरएनको कार्यलयमा समेत नाग टाँसेका थिए ।
स्पेनको बार्सिलोनामा करीब सात हजारको हाराहारीमा नेपाली रहेको बताइएको छ ।
