२२ असार २०८३, सोमबार
नेकपा एमालेका उप–महासचिव तथा केन्द्रीय प्रचार विभागका प्रमुख पृथ्वीसुब्बा गुरुङ फेरि पनि प्रदेश सभा सदस्यकै लागि उम्मेदवार सिफारिस भएका छन् ।
२०७४ को निर्वाचनमा लमजुङबाट प्रदेश सभा सदस्यको चुनाव जितेर गण्डकी प्रदेशका मुख्यमन्त्री भएका गुरूङ यस पटक प्रतिनिधि सभा सदस्यको चुनाव लड्ने चर्चा थियो ।
शनिवार सम्पन्न एमाले लमजुङको बैठकले गुरूङलाई लमजुङको प्रदेश क्षेत्र (ख) बाट प्रदेश सभाको उम्मेदवारमा सिफारिस गरेको हो ।
एमाले लमजुङका जिल्ला अध्यक्ष कृष्णप्रसाद अधिकारी पनि गुरूङसँगै प्रदेश सभा सदस्यको उम्मेदवारका सिफारिस भएका छन् । प्रदेशसभा (क) तर्फ धनन्जय दवाडी, राजकुमार विष्ट र जितबहादुर गुरुङको नाम सिफारिस भएको छ ।
लमजुङमा प्रतिनिधि सभामा एउटा मात्रै निर्वाचन क्षेत्र छ । एमाले लमजुङले प्रतिनिधि सभा सदस्यको उम्मेदवारको लागि भने संविधानसभा सदस्य भइसकेका जमिन्द्रमान घले र सुवास पौडेलको नाम सिफारिस गरेको छ ।
