२९ जेठ २०८३, शुक्रबार
नेकपा माओवादी केन्द्रका अध्यक्ष पुष्पकमल दाहाल प्रचण्डले शुक्रवार बस्ने बैठकले आगामी निर्वाचनका लागि सिट बाँडफाँटको टुंगो लगाउने बताएका छन् । पोखरामा पत्रकारहरूसँग कुराकानी गर्दै उनले आज बस्ने गठबन्धनको बैठकले सिट बाँडफाँटबारे टुंगो लगाउने दाबी गरेका हुन् ।
उनले सत्तारुढ गठबन्धनमा सहमतिअनुसार नै आगामी निर्वाचनका लागि सिट बाँडफाँट हुने बताए । ‘गठबन्धन सहमतिअनुसार नै हुन्छ । हामी सहमतिको नजिक पुगिसकेका छौँ । अरू नेताहरूको अन्यत्र कार्यक्रम नपरेको भए हिजो नै हामीले टुंग्याउने स्थिति बनिसकेको थियो’, उनले भने, ‘कतिपय बेला मेरो, माधव नेपालजीको र प्रधानमन्त्रीको ज्यूको कार्यक्रम परेकोले पनि हिजो त्यति केन्द्रित भएर लाग्न पाएनौँ । ३ बजेदेखि हामी टुंग्याउने हिसाबले छलफल गर्नेछौँ । जटिल समस्या पैदा भएको छैन ।’
