नयाँदिल्ली, १७ साउन– एक हात्तीलाई भोक लागेपछि उसले बीच सडकमा आलुले भरिएको ट्रक रोकाएर खान लाग्यो । यो रोचक मामला भारतीय राज्य पश्चिम बंगालको हो ।
यहाँको पश्चिमी मिदनापुर जिल्लाकोे गढबेटाको जंगल भएर जाने राष्ट्रिय राजमार्ग–६० मा यो दृश्य देख्न पाइयो ।
भारतीय समाचार एजेन्शी एएनआईद्वारा सेयर गरिएको भिडियोमा हात्ती ट्रक रोकाएर त्यसमा भएका आलु खाइरहेको देखिन्छ । आसपासमा रहेका व्यक्तिले होहल्ला गरेर, पटाका पड्काएर घपाउन खोज्दा पनि हात्ती आफ्नो ठाउँबाट टसमस हुँदैन । उक्त हात्ती आलु खाएर मात्रै बाटो छाडेर जंगल भित्र छिर्छ ।
भारतमा मात्र हैन, जंगली हात्तीका रोचक गतिविधि नेपालमा पनि देख्न पाइन्छ । जंगल तथा राष्ट्रिय निकुञ्ज छेउका बासिन्दाले हात्तीकै कारण आफ्नो बाली समेत गुमाउनुपर्ने अवस्था पनि आउँछ ।
