नेपाली राष्ट्रिय फुटबल टिमका प्रमुख प्रशिक्षक अब्दुल्लाह अलमुताइरीले प्रमुख प्रशिक्षक पल छाडेको घोषणा गरेका छन् । उनले सामाजिक सञ्जालमार्फत नेपाली राष्ट्रिय टिमको प्रमुख प्रशिक्षकबाट अलग्गिएको घोषणा गरेका हुन् ।

गत कात्तिकमा उनले नेपालमा ३ वर्षसम्म काम गर्ने गरी अखिल नेपाल फुटबल संघ एन्फासँग सम्झौता गरेका थिए । आफ्नो सम्झौता अवधि बाँकी हुँदै उनले जिम्मेवारीबाट अलग भएको घोषणा गरेका हुन् । 

राष्ट्रिय टिममा रहेका खेलाडीले नै उनको विरोध गरेपछि उनी पद छाड्न बाध्य भएको बताइएको छ । १० जना खेलाडीलाई प्रशिक्षण छाड्न बाध्य बनाएपछि उनी आलोचनामा परेका थिए ।