२५ जेठ २०८३, सोमबार
बेलायतका उपनिवेश बनाएका कमनवेल्थ मुलुकहरू महारानी एलिजाबेथको मृत्युपछि धमाधम गणतन्त्र बन्दै जाने विज्ञहरूले बताएका छन् ।
अस्ट्रेलियादेखि बहमाससम्मका मुलुकमा गणतन्त्रवादी आन्दोलन उठ्न थालेका छन् ।
बार्बेडोस पोहोर साल गणतन्त्र बनेको थियो भने जमेका पनि त्यही बाटोमा हिँड्न खोज्दैछ । एन्टिगा यान्ड बार्बुडाका प्रधानमन्त्री ग्यास्टन ब्राउनले बेलायती राजालाई राष्ट्रप्रमुख बनाइरहने विषयमा मतदान गराउने बताएका छन् ।
इन्स्टिच्युट अफ कमनवेल्थ स्टडीजका निर्देशक प्राध्यापक फिलिप मर्फीले महारानी एलिजाबेथको मृत्युअघि नै गणतन्त्रको आवाज उठ्न थालेको भए पनि उनको मृत्युपछि त्यो चर्किने बताएका छन् ।
बेलायतले काला जातिका मानिसलाई दास बनाएको र उपनिवेशमा अत्याचार गरेको विषयमा क्षतिपूर्ति तिर्नुपर्ने माग उठिरहेको बेलामा गणतन्त्रवादी आवाज उठेको हो ।
