×

NMB BANK
NIC ASIA

सिनेमा संवाद

स्क्रिप्ट र टीम राम्रो भए विना पारिश्रमिक पनि काम गर्न सक्छु, नम्रतासँग स्क्रिन शेयर गर्न मन छ : धिरज मगर [अन्तर्वार्ता]

असोज १, २०७९

NTC
Sarbottam
Premier Steels
Marvel

नेपालको रुकुममा जन्मिएर २ वर्षको उमेरमै देश छाडेका धिरज मगरको बाल्यकाल यूकेमा बित्यो । परिवारसँगै उनी त्यही बढे, त्यही पढे । त्यो बाल्यकालीन समयमा उनको सपना थियो फूटबल खेलाडी बन्ने । 

Sagarmatha Cement
Muktinath Bank

तर धिरज यतिबेला यूके होइन, नेपालमा छन् र उनी नेपाली फिल्मका ‘डिमान्डेड’ अभिनेता बनिसकेका छन् । ४ वर्षअघि प्रदर्शनमा आएको ‘इन्टु मिन्टु लण्डनमा’ डेब्यू अभिनेता धिरजको नयाँ फिल्म ‘बाबरी’ बडादशैंको अवसर पारेर प्रदर्शनमा आउँदैछ, यही असोज १४ गतेदेखि ।


Advertisment
RMC TANSEN
IME BANK INNEWS
shivam ISLAND

उनको अर्को फिल्म ‘आई एम ट्वान्टी वान’ पनि छायांकन सकिएर प्रदर्शनका लागि तयार छ । ‘बाबरी’को प्रदर्शन मिति नजिकिँदा यतिबेला सोही फिल्मको प्रमोसनको दौडधुपमा छन् धिरज । 


Advertisment
SBL

फूटबल खेलाडी बन्ने सपना बोकेका धिरज कसरी नेपाली फिल्मको अभिनेता बने ? उनले हालसालै एक फिल्मका लागि ‘महंगो पारिश्रमिक डिमाण्ड’ गरेको कुराको सत्यता के हो ? धिरजले लोकान्तरसँग शेयर गरेका छन् । 

Vianet communication
Laxmi Bank

कुराकानीका क्रममा उनले पारिश्रमिकभन्दा सधैं ‘स्क्रिप्ट’ आफ्नो प्राथमिकतामा पर्ने गरेको समेत बताए । उनले भने, ‘मेरा लागि पहिलो प्राथमिकता स्क्रिप्ट नै हो । पारिश्रमिक भनेको सेकेण्डरी कुरा हो । यदि मलाई स्क्रिप्ट मनपर्ने छ र त्यो मेकर्स, कलाकारहरूसँग काम गर्र्न मन छ भने सायद पारिश्रमिक नलिइकन पनि काम गर्न सक्छु होला ।’

धिरजले नेपाली फिल्म क्षेत्रमा आफूलाई मनपर्ने अभिनेत्री नम्रता श्रेष्ठ भएको खुलाए । ‘उहाँसँग स्क्रिन शेयर गर्ने मन छ तर त्यो अवसर जुरेको छैन । आशा छ, कुनै दिन अवश्य जुर्नेछ,’ धिरजले भने । उनीसँग कुराकानीको शुरूआत भने प्रदर्शनको तयारीमा रहेको फिल्म ‘बाबरी’बाटै गरिएको छ । प्रस्तुत छ कुराकानीको सम्पादित अंश :-

‘बाबरी’ फिल्मको रिलिज मिति जतिजति नजिक आउँदैछ, दौडधुप बढिरहेको छ है !

– पक्कै पनि दौडधुप बढेको छ । सेड्यूल मिलाएर दौडधुप गरिरहेका छौं । दिनमै ४/५ वटा अन्तर्वार्ताहरू गरिरहेका छौं तर पनि रमाइलो लागिरहेको छ । हाम्रो फिल्म ‘अडियन्स’सम्म पुग्नुपर्छ भन्ने हो, त्यसका लागि गरिएको दौडधुपलाई लिएर रमाइलो नै भइरहेको छ ।

फिल्ममा तपाईं ‘सानो राजासाहेब’को क्यारेक्टरमा है ! ट्रेलरबाट सोही जानकारी पाउँछौं । त्यो क्यारेक्टर कस्तो हो ? अलिकति बताइदिनुहोस् न !

– त्यो ठकुरी जाति भनौं वा समुदायको एउटा क्यारेक्टर हो । क्यारेक्टर एकदमै रिसाहा छ । गाउँको सबैले मान्ने, सबलाई थर्काउँदै हिँड्ने खालको क्यारेक्टर हो । त्यही भएर पनि उसको भ्वाइस अलिकति लाउड, अलिकति बोल्ड, अलिकति डोमिनेटिङ टाइपको हो । उसमा अलिकति मै हुँ भन्ने घमण्ड पनि छ ।

तपाईंले भनिरहनुभएको छ, पहिलो फिल्म ‘इन्टु मिन्टु लण्डनमा’को क्यारेक्टर वास्तविक धिरजसँग मिल्दोजुल्दो थियो तर ‘बाबरी’को क्यारेक्टर ठीक उल्टो छ । त्यस्तो क्यारेक्टर निर्वाह गर्न कत्तिको गाह्रो भयो ?

– एकदमै गाह्रो । वर्कशपका लागि मैले ३ हप्ताको समय पाएको थिएँ । मलाई ठकुरीका विषयमा केही पनि जानकारी थिएन । मलाई ३ हप्ताको वर्कशपले हुँदैन कि भन्ने डर लागिरहेको थियो । ठकुरीहरूको संस्कृति, इतिहास के हो भन्ने रिसर्च थिएन तर बिस्तारै–बिस्तारै बुझ्दै गएँ र क्यारेक्टरमा आफूलाई ढाल्दै गएँ । 

अहिले आफूमा ‘सानो राजासाहेब’को ह्याङओभर कत्तिको छ ?

– अहिले त हटिसक्यो भनौं तर क्यारेक्टरबाट बाहिर आउनका लागि झण्डै २ महिना चाहिँ लाग्यो होला । 

‘बाबरी’ सुटिङका हिसाबले तपाईंको तेस्रो फिल्म, रिलिजका हिसाबले दोस्रो हुँदैछ । अर्को फिल्म ‘आई एम ट्वान्टी वान’ कहिले रिलिज हुन्छ ?

– रिलिज मिति तय भइसकेको छैन । वर्ष २०७९ भित्रै रिलिज हुन्छ होला !

अभिनेत्री अदिति बुढाथोकीसँग धिरज मगरतपाईं आफूलाई कलाकार भन्न रुचाउनुहुन्छ कि अभिनेता ?

– कलाकार नै भन्न रुचाउँछु । म यहाँ एउटा राम्रो कलाकार बन्न आएको हुँ । यूकेको लाइफ, परिवार, अफिस छाडेर नेपालमा केही गर्छु भनेर आएको छु । अहिले मेरो प्यासन नै एक्टिङमा हो र म आफूलाई अभिनेताभन्दा पनि कलाकार भन्छु ।

‘इन्टु मिन्टु लण्डनमा’देखि ‘बाबरी’सम्म आइपुग्दा अभिनयलाई लिएर तपाईंको बुझाई बदलिएको हो ?

– अँ त्यो कुरा आफैंलाई फिल हुन्छ । किनकि ‘इन्टु मिन्टु लण्डनमा’मा काम गर्दाको क्षणलाई अहिले यसो सम्झँदा त्यो बेला अभिनयबारे ज्ञान नै रहेनछ जस्तो लाग्छ । यद्यपि अहिले ज्ञान भयो भन्न खोजेको होइन । फिल्ममा फरक–फरक क्यारेक्टर ‘एक्स्प्लोर’ गर्न पाएँ, त्यो अनुभवले अहिले ५–१० प्रतिशत सिकेको छु होला जस्तो लाग्छ । मैले कहिल्यै पनि सोचेको थिइनँ कि यूकेमा हुर्केको मान्छे, नेपालको ग्रामीण भेगको राजासाहेब बनेर फिल्ममा अभिनय गर्छु । यस्ता क्यारेक्टरहरूले पनि अभिनयबारे धेरै कुरा सिकायो । सोही कारण नै अहिले मलाई हिरोइज्म देखाउने खालको भूमिकाभन्दा एक्टर भएर फिल्ममा काम गर्न मन छ ।

केही वर्ष फिल्म क्षेत्रमा बिताइरहँदा के लाग्यो ? कस्तो अवस्थामा छ फिल्म क्षेत्र ? यो क्षेत्रमा साथ–सपोर्ट चाहिँ कत्तिको हुँदो रहेछ ?

– मैले यो क्षेत्रमा अरुहरूको सपोर्ट खोज्नेभन्दा पनि आफ्नो काम कसरी राम्रो गर्ने भन्नेमा ध्यान दिएँ । अरुले के गर्दैछ भन्दा पनि आफूले राम्रो गर्‍यो भने साथ पाइन्छ भन्ने लाग्थ्यो । ओभरअल कुरा गर्दा फिल्म क्षेत्र बिस्तारै ग्रोथ हुँदैछ । कोभिडका कारण २ वर्ष फिल्मका गतिविधि ठप्प हुँदा ग्रोथलाई अलिकति ‘डिले’ मात्र गरेको जस्तो लाग्छ । कोभिडपछि जसरी ‘कबड्डी ४’ फिल्म आएर दर्शकलाई हलसम्म फर्कायो । पछिल्लो समय ‘प्रकाश’, ‘पानीफोटो’, ‘चिसो मान्छे’, ‘ऐना झ्यालको पुतली’ जस्तो नयाँ–नयाँ जनराको कन्टेन्टमा फिल्महरू आए । जसरी निर्माता, कलाकारहरूले आफूलाई ‘एक्स्प्लोर’ गरिरहनुभएको छ, त्यो कुरामा खुशी लाग्छ । बिस्तारै फिल्म क्षेत्र ग्रोथ भइरहेको छ जस्तो लाग्छ । 

‘बाबरी’ फिल्मले कस्तो व्यापार गर्ला ? अपेक्षा के छ ?

– टिजर, टे«लर, गीतहरूलाई लिएर आएको रेस्पोन्स हेर्दा खुशी लागिरहेको छ । दर्शकहरूले फिल्मलाई पनि माया गरिदिनुहुन्छ भन्ने लागिरहेको छ । दशैंको समयमा फिल्म आउँदैछ, फेस्टिभ मूडमा स–परिवार हेर्ने फिल्म बनेको छ । दर्शकहरूले मन पराउनुहुन्छ जस्तो लाग्छ । 

तपाईं त नेपाली फिल्मकै लागि भनेर यूके छाडेर आउनुभयो । खासमा के कुराले नेपाली फिल्ममा आउन अभिप्रेरित गर्‍यो ?

– मलाई अभिनयबारे केही पनि थाहा थिएन । कलाकार बन्छु भनेर सानैदेखि सोचेको पनि होइन तर ‘ईन्टु मिन्टु लण्डनमा’ फिल्मको लागि जब म नेपाल आएँ, यहाँ वर्कशप गरें । अभिनयको टेक्निक्सहरू, केही ज्ञानहरू लिए । त्यसबखत मलाई मेरो प्यासन के हो भन्ने ‘रिअलाइज’ भयो । अभिनय गर्दा म एकदमै खुशी भएँ । भित्रैदेखि सन्तुष्टिको महसूस गरें । त्यसपछि फिल्मप्रति मोह बढ्दै आयो । 

‘ईन्टु मिन्टु लण्डनमा’ फिल्मसँग चाहिँ कसरी जोडिनुभएको थियो ?

– म भ्लगहरू बनाउँथे । मेरो भ्लगलाई धेरैले रुचाउँदै पनि आउनुभएको थियो । भ्लगकै लागि कोरिया, थाइल्यान्ड लगायतका देशमा पुगिसकेको थिए । त्यतिबेलासम्म फूटबल खेलाडी बन्ने सपना हटिसकेको थियो । 

२०१६ को कुरा हो, यूकेमा मैले एउटा डान्स कम्पिटिसन्सको सञ्चालन गरिरहेको थिए । सो कार्यक्रममा सहभागी हुन निर्देशक रेनशा वान्तवा राई यूके पुग्नुभएको थियो । त्यसबेला उहाँ फिचर फिल्मको तयारीमा हुनुहुँदो रहेछ । सामान्य चिनजानपछि उहाँले मलाई फिल्मको लागि अप्रोच गर्नुभएको हो । उहाँले मलाई त्यहाँ फिल्मको स्क्रिप्ट नै ‘प्रोभाइड’ गर्नुभयो । मलाई अभिनय गर्न सक्छु भन्ने आत्मविश्वास थिएन तर फिल्मको स्क्रिप्ट पढेपछि एउटा राम्रो अवसर हो भन्ने महसूस भयो । उक्त समय नेपाली फिल्महरू पनि राम्रो–राम्रो बनिरहेका थिए । नेपालमा आएर फिल्म क्षेत्रमा पाइला राख्ने हो भने यही फिल्म उपयुक्त हो भन्ने लाग्यो । त्यसपछि साइन गरें ।

फिल्म खेल्न नेपाल जान्छु भन्दा परिवारले के भन्नुभएको थियो ?

– शुरूमा त गाह्रो मान्नुभएको थियो । किन जानुपर्‍यो यही राम्रो भइरहेको छ भन्नुहुन्थ्यो । उहाँहरूले रोक्न खोज्नुभएको त होइन, एकचोटी फेरि सोच भन्नुहुन्थ्यो । उसो त ममा पनि धेरै आत्मविश्वास थिएन । नेपालमा ट्रायल फेसका लागि आएर वर्कशपहरू गरें । फिल्महरू कसरी बन्छ ? के गर्नुपर्छ ? यी कुराहरू अलिकति बुझेपछि बल्ल आत्मविश्वास बढेको छ । त्यसपछि बल्ल म फिल्म गर्छु नै भन्ने भएको हो ।

अहिले के भन्नुहुन्छ परिवारले ?

– पहिलो फिल्म ‘इन्टु मिन्टु लण्डनमा’बाटै माया पाएर आएको छु । अहिले ‘बाबरी’लाई लिएर पनि एकदमै राम्रो रेस्पोन्सहरू आइरहेका छन् । त्यो कुराले गर्दा यदि म यो फिल्डमा नभएर अरु कुनै काम गरेको भए मेरो परिवारलाई यति प्राउड बनाउन सक्दिनथें होला जस्तो लाग्छ । अहिले उहाँहरू एकदमै प्राउड फिल गर्नुहुन्छ ।

परिवारको सपना के थियो ? तपाईंलाई के बनाउने सपना देख्नुभएको थियो ?

– यही बनाउनुपर्छ भन्ने उहाँहरूको सपना थिएन तर छोरो राम्रो मान्छे बनोस््, आफ्नो खुट्टामा उभिन सकोस् भन्ने सपना नै सबै आमाबुवाको हुन्छ जस्तो लाग्छ । मेरो आमाबुवाको सपना पनि त्यही थियो होला सायद । 

२ वर्षको उमेरमै परिवारसँगै यूके पुग्नुभयो तर तपाईं नेपाली भाषा राम्रो नै बोल्नुहुँदो रहेछ ?

– यसमा परिवारलाई धन्यवाद भन्छु । उहाँहरूले हुर्काउने बेलामा कहिल्यै पनि नेपाली भाषा, संस्कृति बिर्सन दिनुभएन । उहाँहरूले सानैदेखि नेपाली भाषामा बोल्न सिकाउनुभयो । विदेशमा रहे पनि हामीले नेपाली भाषा, संस्कृति फलो गर्थ्यौं । सोही कारण पनि मेरो नेपाली भाषा राम्रै छ भनौं ।

तपाईंको बाल्यकालीन सपना त फूटबल खेलाडी बन्ने थियो रे है ?

– हो । यूकेमा फूटबल कल्चर छ । हामी नर्सरीबाटै फूटबल खेल्थ्यौं । म स्कूल पढ्दादेखि नै क्लब लेभलमै फूटबल खेल्थें । फूटबल प्लेयर बन्ने सपना देख्दै हुर्किएँ । फूटबलमा प्रतिस्पर्धा धेरै हुन्थ्यो । पढाइमा ध्यान दिँदा पछि फूटबल खेलाडी बन्ने सपना त्यस्तै भयो । 

फिल्म क्षेत्रबाट कत्तिको सन्तुष्ट हुनुहुन्छ ?

– एकदमै सन्तुष्ट छु । सोचेभन्दा धेरै माया पाइरहेको छु जस्तो लाग्छ । अझै राम्रो काम गर्न प्रेरणा मिलिरहेको छ । 

३ वटा फिल्ममा फरक–फरक क्यारेक्टर निर्वाह गर्नुभयो, अब कस्तो खालको फिल्ममा अभिनय गर्न मन छ ?

– मेरो आफ्नो फेवरेट जनरा थ्रिलर, सस्पेन्स हो । जसरी हामी कहाँ हिरो भनिन्छ नि ! मलाई यस्ता फिल्ममा भिलेन (एन्टागोनिस्ट) भएर पनि अभिनय गर्न मन छ । किनकि आफूले आफूलाई एउटा कलाकारको रूपले ‘एक्स्प्लोर’ गर्ने त हो नि ! ‘एस्पेरिमेन्ट’ गर्ने हो । कुन कुरा मलाई कम्फटेबल हुन्छ ? फरक–फरक क्यारेक्टरबाट त कुराहरू सिक्ने हो । एउटा कलाकारको हिसाबले त्यो कुरा लोभ लाग्दो रहेछ । सबै खालको क्यारेक्टर गरौं भन्ने लाग्छ । 

३ वटा फिल्ममा ३ जना फरक–फरक अभिनेत्रीसँग स्क्रिन शेयर गर्नुभयो । सहज चाहिँ कोसँग लाग्यो ? हरेक फिल्म आउँदा को–एक्टरसँग प्रेममा रहेको गसिपहरू पनि आउँछन् नि !

– अदिती (बुढाथोकी) सँग अलिकलि सहज भएको महसूस भयो । हामी एकदमै क्लोज फ्रेण्ड हो तर हरेक फिल्म आउँदा को–एक्टरसँग नाम जोडिँदो रहेछ । प्रेममा रहेको हल्ला चल्ने रहेछ तर त्यो केही पनि होइन । मलाई प्रेममा रहेको गसिपहरू सामान्य नै लाग्छ । अहिले पनि मेरो र अदितीबारे त्यस प्रकारका गसिपहरू आइरहेका हुन्छन् । हामी एकदमै नजिक छौं तर प्रेममा रहेको हल्ला मात्र हो । हामीले त्यो सोचेका पनि छैनौं । 

शुरूशुरूमा त यस प्रकारका गसिपहरू आउँदा तनाव हुन्थ्यो होला है ?

– फिल्म क्षेत्रमा यस प्रकारका गसिपहरू आउन सक्छन् भन्ने कुरामा म शुरूमा नै स्पष्ट थिएँ । किनकि म यूकेमा हुर्किने बेला पनि रिलेसनशिपको कुराहरू मिडियामा आइरहेकै हुन्थ्यो । यस प्रकारका गसिपहरू आउन सक्छ भनेर म तयारी नै थिएँ भनौं ।

तपाईं पछिल्लो समय ‘महंगो पारिश्रमिक डिमाण्ड’को कारण पनि चर्चामा हुनुहुन्छ । तपाईंले ‘भगवत गीता’ फिल्मको लागि ४० लाख रुपैयाँ पारिश्रमिक मागेको भनिएको छ । त्यति नै पारिश्रमिक माग्नुभएको हो वा बाहिर अर्कै हल्ला आएको हो ?

– त्यो कुरा सत्य हो नै तर उक्त डिमाण्डमभन्दा पनि मेरो म्यानेजमेन्ट टीमबाट आएको हो । त्यो कुरा कसरी आयो भने जुन स्क्रिप्ट मैले सोधिरहेको थिएँ, हामी ‘एज एन एक्टर’को हिसाबमा हामीलाई सर्वप्रथम स्क्रिप्ट चाहिने हो । हाम्रो क्यारेक्टर कस्तो छ ? त्यो बुझ्नुपर्‍यो । स्टोरी, कन्टेन्टमा दम छ कि छैन भन्ने कुराहरू हामीले सोच्नुपर्ने हुन्छ । मैले फिल्ममा कत्तिको स्पेस पाएको छु भन्ने कुराहरू आफूले ‘एनलाइज’ गरेर नै साइन गर्ने हो तर मैले उक्त फिल्मको स्क्रिप्ट पाइरहेको थिइनँ । उहाँहरूले रेडी हुँदैछ, रेडी हुँदैछ मात्रै भन्नुभयो । उहाँहरूले ‘निगोसेसन’ त अगाडि बढाउनुभयो, त्यहाँ पारिश्रमिकको कुरा आउँदा ‘निगोसेसन ब्रेक डाउन’ भएको मात्रै हो । मबाट नै मेरो पारिश्रमिक ४० लाख हो, ५० लाख हो भनेर आएको चाहिँ होइन ।

नेपाली फिल्म क्षेत्रमा एउटा कलाकारले ४०–५० लाख रुपैयाँ डिमाण्ड गर्ने अवस्था छ ? त्यो अवस्था देख्नुहुन्छ तपाईं ?

– त्यो मेकरमा भर पर्छ । त्यो ‘अफोर्ड’ गर्ने खालको मेकर्सहरू पनि हुनुहुन्छ । उहाँहरूले यही फिल्म क्षेत्र ग्रोथ होस् भनेर त्यो हिसाबको लगानी गरी पनि रहनुभएको छ । कलाकार मात्र नभई अन्य पक्षमा पनि दिल खोलेर लगानी गर्ने मेकर्सहरू पनि पाउँछौं । डिमाण्ड जस्तोसुकै भए पनि उहाँहरूले ‘अफोर्ड’ गर्न सक्नुहुन्छ/हुँदैन भन्ने कुरामा मलाई चाहिँ सम्भव छ जस्तो लाग्छ । कलाकारहरूले डिमाण्ड मात्र होइन, मेकर्सहरूले ‘अफोर्ड’ पनि गर्न सक्नुहुन्छ जस्तो लाग्छ । त्यो हिसाबको अप्रोच हामीलाई आएको पनि हुन्छ । म आफैंलाई पनि त्यति पारिश्रमिकमा अप्रोच आइरहेको हुन्छ तर स्क्रिप्टमा कमीकमजोरी देख्दा रिजेक्ट गरेका उदाहरणहरू छन् । मेरो लागि पहिलो प्राथमिकता स्क्रिप्ट नै हो । पारिश्रमिक भनेको सेकेण्डरी कुरा हो । पारिश्रमिक तलमाथि हुन्छ नै तर स्क्रिप्ट चित्त बुझ्नुपर्‍यो । यदि मलाई स्क्रिप्ट मन पर्ने छ र त्यो मेकर्स, कलाकारहरूसँग काम गर्र्न मन छ भने सायद म पारिश्रमिक नलिइकन पनि काम गर्न सक्छु होला । 

तपाईं ‘इन्टु मिन्टु लण्डनमा’बाट फिल्ममा डेब्यू गर्दै गर्दा कतिपयले के पनि भन्नुभयो भने अहिलेका चकलेटी हिरोहरूलाई टक्कर दिने हिरोको आगमन भयो । एकअर्कासँग त्यो खालको प्रतिस्पर्धा हुन्छ ? आफ्नो प्रतिस्पर्धीका रूपमा कसैलाई हेर्नुहुन्छ ?

– प्रतिस्पर्धाको कुरा फिल्म क्षेत्रमा मात्र होइन, हरेक क्षेत्रमा आउँछ । बिजनेशको क्षेत्रमा पनि प्रतिस्पर्धाको कुरा हुन्छ । यद्यपि मैले त्यस्तो कहिल्यै सोचेको छैन । मलाई त आफ्नो प्रतिस्पर्धी आफू नै हो जस्तो लाग्छ । म नेपालमा केही गर्छु भनेर यूकेबाट आएको हो । अरुको ठाउँ लिन पनि आएको होइन, अरुलाई टक्कर दिन आएको पनि होइन । म यहाँ आफूले आफ्नो ठाउँ बनाउन आएको हुँ । 

अब कुन–कुन फिल्ममा काम गर्दै हुनुुहन्छ ?

– एउटा फिल्म साइन छ । निर्देशक दीपेन्द्र लामा दाइसँगको प्रोजेक्ट ‘बाबरी’मा काम गर्नुभन्दा अगाडि नै साइन गरेको थिएँ । ‘बाबरी’कै टीमबाट नयाँ फिल्मको पनि घोषणा भइसकेको छ । अरु प्रोजेक्टहरूका लागि कुरा भइरहेको छ तर साइन भएको छैन ।

नेपाली फिल्ममा मन पर्ने अभिनेता, अभिनेत्री को–को हुनुहुन्छ ?

– दया दाइ (दयाहाङ राई), सौगात मल्ल दाइ । अरु धेरै कलाकारहरू मन पर्छन् । विपिन कार्की दाइ पनि हुनुहुन्छ । सिनियर कलाकारहरूमा भुवन केसी हुनुभयो । राजेश हमाल हुनुभयो । अभिनेत्रीमा चाहिँ मेरो नम्बर वान फेवरेट नम्रता श्रेष्ठ हो । उहाँसँग स्क्रिन शेयर गर्ने मन छ तर त्यो अवसर जुरेको छैन । आशा छ, कुनै दिन अवश्य जुर्नेछ । 

फिल्मभन्दा बाहिरी रुचिहरू के–के छन् ?

– फूटबल नै हो । काठमाडौंमा फूटसल खेलिरहेको हुन्थें तर फिल्मको प्रमोसनको दौडधुपले धेरै नै ग्याप भएको छ । फिटनेसमा एकदमै ध्यान दिन्छु । अहिले पनि म नियमित जीम जाने, १ घण्टाजति एक्सरसाइज गर्ने गर्छु । बुक्सहरू पनि फ्री टाइममा पढ्छु । 

खानेकुरामा के मनपर्छ ?

– नेपाली दाल भात । आलु दम । सेलरोटी पनि उत्तिकै मन पर्छ । 

नेपालमा घुम्न कहाँ–कहाँ जानुभएको छ ?

– पोखरा, चितवन लगायत मेन मेन सिटी गएको छु तर मलाई एकदमै जान मन लागेको मेरो गाउँ हो । मलाई त्यहाँको केही मेमोरिज नै छैन । किनकि म त २ वर्षको उमेरमै गाउँ छाडेको हुँ । त्यहाँ म ब्याक गएको छैन । म कुन ठाउँमा जन्मे ? कस्तो ठाउँ छ ? त्यो हेर्न मन छ । एक दिन परिवारसँग गाउँ जानेछु । 

अन्त्यमा फिल्म ‘बाबरी’बारे दर्शकलाई केही भन्न चाहनुहुन्छ ?

– अघि पनि धेरै कुराहरू भनिसकें । ‘बाबरी’ फिल्म असोज १४ गते बडादशैंको अवसर पारेर प्रदर्शनमा आउँदैछ । एकदमै रमाइलो फिल्म बनेको छ । तपाईंको परिवारहरूसँगै बसेर हेर्ने खालको फिल्म बनेको छ । गीतहरू हेरिसक्नुभएको छ, एकदमै मन पराइदिनुभएको छ । फिल्म हेर्न हलमा आउनुहुनेछ भन्ने पूर्ण विश्वास लिएको छु ।

तस्वीर : विश्वास खनाल

hAMROPATRO BELOW NEWS
TATA Below
चैत २५, २०७९

वैशाख १० गते हुने प्रतिनिधिसभा सदस्यको उपनिर्वाचन नजिकिँदै गर्दा चितवनमा राजनीतिक गतिविधि बढेको छ । मंसिर ४ को चुनावमा रास्वपा विजयी भएको चितवन २ मा उपनिर्वाचनका माध्यमबाट आफ्नो राजनीतिक विरासत फर्काउन न...

जेठ २९, २०८०

प्रधानमन्त्री पुष्पकमल दाहाल ‘प्रचण्ड’ भारत भ्रमणबाट फर्किएको केही दिनमै पशुपतिनाथ मन्दिरमा पुगेको विषय अहिले सर्वत्र चर्चामा छ । त्यसो त भारत भ्रमणमै छँदा प्रचण्डले गेरुवस्त्र लगाएर उज्जैनस्थित महाकालेश्वर...

असोज ३, २०८०

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेपाल समाजवादी पार्टी (नेसपा)का एकजना अध्यक्ष महिन्द्र राय यादवलाई पार्टी एकताका लागि पत्र पठाएपछि नेसपामा खैलाबैला उत्पन्न भएको छ ।&nb...

असार १, २०८०

बुधवार उच्च अदालत विराटनगर पुग्दा धरान उप–महानगरपालिकाका मेयर हर्क साम्पाङ एक वकिलसहित भेटिए । मुद्दाको पेशी भएकाले उनी आफैं उपस्थित भएका रहेछन् । धरान खानेपानी विकास बोर्डको बैठक नबोलाएको भन्दै सा...

जेठ १६, २०८०

नेकपा एमाले संसदीय दलका उपनेता सुवास नेम्वाङले आफूलाई नेपालको संसदीय अभ्यासमा अनुभवी र अभिभावकीय छवि बनाउन सफल भएका छन् । तत्कालीन संविधानसभा अध्यक्षसमेत रहेका नेम्वाङले संविधानसभासहित छ पटक व्यवस्थापिका&nd...

जेठ २२, २०८०

प्राध्यापक डा. जयराज आचार्यले प्रधानमन्त्री पुष्पकमल दाहाल ‘प्रचण्ड’को भारत भ्रमण फलदायी नभएको टिप्पणी गरेका छन् । देशको प्राथमिकतालाई पहिचान गर्न नसक्दा प्रधानमन्त्री चुकेको उनको टिप्पणी छ । ‘हा...

स्वधर्मको अनुयायी कसरी बन्ने ?

स्वधर्मको अनुयायी कसरी बन्ने ?

चैत ३, २०८०

स्वधर्म भन्ने शब्द हामीमध्ये धेरैले सुन्ने गरेका छौँ । स्वधर्मको आदि शिक्षक, प्रचारक वा आचार्य भगवान् कृष्ण हुन् । उनले सर्वप्रथम अर्जुृनलाई यसको शिक्षा दिएका थिए कुरुक्षेत्रको युद्ध मैदानमा । यसका आधुनिक व्याख्याता भने ...

जनयुद्धको ‘माओवादी ह्याङओभर’ र नारायणकाजी

जनयुद्धको ‘माओवादी ह्याङओभर’ र नारायणकाजी

चैत १, २०८०

गठबन्धनको नयाँ समीकरणसँगै पुनर्गठित मन्त्रिपरिषद्मा नेकपा (माओवादी केन्द्र)का तीन मन्त्री दोहोरिए । पार्टी नेतृत्वको निर्णयप्रति केही युवा सांसदले आक्रोश व्यक्त गरे । माओवादी पार्टी एउटा भए पनि सहायक गुट धेरै छन्...

एक पूर्व कर्मचारीको 'डायरी'– इमान्दार बन्दा कार्यालय नै नभएको ठाउँमा सरुवा

एक पूर्व कर्मचारीको 'डायरी'– इमान्दार बन्दा कार्यालय नै नभएको ठाउँमा सरुवा

फागुन २८, २०८०

उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...

x