असोज २० गतेभित्र निर्वाचन अधिकृतको कार्यालय स्थापना गर्न आयोगको निर्देशन

निर्वाचन आयोगले असोज १५ देखि २० गतेभित्र निर्वाचन अधिकृतको कार्यालय स्थापना गर्न जिल्ला निर्वाचन कार्यालयलाई निर्देशन दिएको छ । प्रतिनिधि सभा तथा प्रदेश सभा निर्वाचन प्रयोजनका लागि १६५ निर्वाचन क्षेत्रमा निर्वाचन अधिकृतको कार्यालय खोल्ने आयोगको तयारी छ । 

आयोगका प्रवक्ता शालिग्राम शर्माले शुक्रवार विज्ञप्ति प्रकाशित गरी असोज २० भित्र निर्वाचन कार्यालय खोल्ने निर्णय भएको जनाएका हुन् । आयोगले पूर्व स्वीकृतिविना निर्वाचन क्षेत्र नजान निर्वाचन अधिकृतलाई निर्देशन दिएको छ । मंसिर ४ गते हुने प्रतिनिधि सभा तथा प्रदेश सभा निर्वाचनका लागि असोज २३ गते उम्मेदवारको मनोनयन गर्ने कार्यतालिका छ ।