यदि तपाई ढाड दुख्ने समस्याबाट पीडित हुनुहुन्छ भने तपाईका लागि खुसीको खबर छ । वैज्ञानिकहरुले एक यस्तो स्मार्ट तथा यान्त्रिक अन्तर बस्त्र (कट्टु) निर्माण गरेका छन्, जसलाई कम्मरभन्दा मुनिको भागमा लगाउँदा तपाईको ढाड दुख्ने समस्या छिनभरमै गायव हुने छ ।
अमेरिकाको भेन्डरविट विश्वविद्यालयका इन्जिनियरले बायोकेमिनिक्स तथा वेयरेवल उपायबाट यो अन्तर बस्त्र तयार गरेका हुन् । वेयरेवल उपाय स्मार्ट इलेक्ट्रिोनिक यन्त्रमा आधारित हुन्छ, जसलाई शरीरमा लगाउन सकिन्छ ।
वेयरेवल यन्त्रमा कपडाका दुई भाग हुन्छन् । जसको प्रयोग छाती तथा खुट्टाहरुमा गर्न सकिन्छ । यस्ता कपडा नाइलन, लाईक्रा, पोलिस्टर तथा अन्य प्रकारका धागोबाट बनेका हुन्छन् ।
यस्तो अन्तर बस्त्रका दुईटै भागमा कमरको बीचमा रहने गरी बलियो पट्टी हुन्छ । तल्लो भागमा प्राकृतिक रबरका केही टुक्रा हुन्छन् । यो यन्त्र यसरी बनाइएको छ कि कुनै पनि व्यक्तिले आफूलाई आवश्यक परेको बेला यसको प्रयोग गर्न सक्छन् ।
यस यन्त्रलाई एक एपको माध्यमबाट पनि नियन्त्रण तथा परिचालन गर्न सकिन्छ । उक्त एप पनि शोधकर्ताको टोलीले नै बनाएको छ । ब्लुटुथको माध्यमबाट एपले कपडालाई नियन्त्रण गर्न सक्छ ।
