जेठ २२, २०८०
प्राध्यापक डा. जयराज आचार्यले प्रधानमन्त्री पुष्पकमल दाहाल ‘प्रचण्ड’को भारत भ्रमण फलदायी नभएको टिप्पणी गरेका छन् । देशको प्राथमिकतालाई पहिचान गर्न नसक्दा प्रधानमन्त्री चुकेको उनको टिप्पणी छ । ‘हा...
कात्तिक १९, २०७९
नेपाली काँग्रेसका महामन्त्री विश्वप्रकाश शर्मा अहिले झापा क्षेत्र नम्बर–१ का मतदाताको घरघरमा मत माग्न व्यस्त छन् । सत्तारूढ गठबन्धनको साझा उम्मेदवार बनेका शर्मा तेस्रो पटक प्रतिनिधि सभा सदस्यको उम्मेदवार बनेका छन् ।
शर्मा नेकपा एमालेका उम्मेदवार एवं पूर्व महान्यायाधिवक्ता अग्नि खरेलसँग चुनावी प्रतिस्पर्धामा छन् । २०७४ को चुनावमा शर्मा एमाले–माओवादी केन्द्रका साझा उम्मेदवार राम कार्कीसँग पराजित भएका थिए । अहिले उनै कार्की शर्मालाई जिताउन सहयोग गरिरहेका छन् ।
कांग्रेसका उम्मेदवार शर्मा शुक्रबार चुनावी प्रचारका लागि झापाको बुद्धशान्ति गाउँपालिका–३ बर्मुडा पुगेका रहेछन् । शर्माको चुनावी कार्यक्रम भइरहेको ठाउँमा पुग्न धुलाबारीबाट करिब ५ किलोमिटर पक्की सडक र त्यसपछिको करिब १० किलोमिटर कच्ची सडक पार गर्नुपर्यो । धुलाबारीबाट टेम्पु रिजर्भ गरेर हामी उनको चुनावी कार्यक्रम पछ्याउन गएका थियौं । बर्मुडामा शर्माको चुनावी सभालाई सम्बोधन गर्न नेकपा (एकीकृत समाजवादी)का नेता झलनाथ खनाल पनि पुगेका थिए । इमालसँग नजिक पर्ने उक्त चुनावी सभामा इलामका मतदाता समेत सहभागी भएको पाइयो ।
शुरूमा शर्माले हामीसँग सभा सकिएपछि कुराकानी गर्ने बताएका थिए । तर, जब कार्यक्रम सकियो उनी समय अभाव भएको भन्दै पन्छिन थाले । हतारहतार गाडीमा बसेर हुँइकिए । केही समयपछि उनैले फाेन गरेर अन्तर्वार्ताकाे लागि बाेलाए र गाडीमै बसेर कुरागर्दै जाउँ भने ।
बर्मुडाबाट धुलाबारी फर्कदै गर्दा लोकान्तरकर्मी राजु बास्कोटा र गगन अर्यालले कांग्रेसका महामन्त्री विश्वप्रकाश शर्मासँग गरेको कुराकानीको सम्पादित अंशः
तपाईंले अघिल्ला दुई चुनाव हारेको ठाउँ झापा क्षेत्र नम्बर–१ बाट यस पटक पनि उम्मेदवार बन्नुभएको छ । यस पटक चुनाव जित्नेमा कत्तिको विश्वस्त हुनुहुन्छ ?
२०७० सालमा म उम्मेदवार हुँदा परिचय आफूलाई चिनाउनमै समयमा लागेको थियो । २०७४ सालमा चुनावी अनुभव राम्रोसँग बटुलियो । यस पटक परिणाम आउने गरी चुनावी प्रतिस्पर्धामा छौं । २०७४ सालमा पहिलो दल भएको नेकपा एमाले र माओवादी मिल्दा वित्तिकै हामी हार्छौ भन्ने अनुमान थियो । पूर्वसूचना थियो । गणितीय विश्लेषण र मनोवैज्ञानिक असर थियो । त्यसले गर्दा पराजय भोग्नु परेको भन्ने बुझाई रह्यो । अहिले त्यतिबेलाको अवस्था ठ्याक्कै उल्टो भएको छ । अहिले हामी गठबन्धनमा छौं । २०७० सालमा १४ हजार मत अन्तर थियो भने २०७४ सालमा १४ सय मतले मात्रै मैले हारेको हुँ । यसरी हेर्दा मैले मत बढाउँदै लगेको छु । स्थानीय तहको मत हेर्ने हो भने ६/७ हजारले पछाडि थियौं । अहिले हामी त्यसलाई उल्टाएर जीत निकाल्नेतर्फ अगाडि लागेका छौं ।
अर्को कुरा त्यो समयमा माओवादी एमालेसँग थियो । समाजवादी एमाले नै थियो । अहिले माओवादी र समाजवादी हामी तिरै हुनुहुन्छ । गठबन्धनको उम्मेदवार हुनु र मतदाताको पनि राम्रो प्रतिक्रिया पाउनु नै मैले जित्ने बलियो आधार बनेको छ ।
एमाले विभाजित भएको कारण एमालेलाई पराजित गर्न सजिलो छ भन्ने तपाईंको विश्लेषण हो ?
त्यो बेलामा एमाले बलियो र हामी कमजोर भयौ भनेको होइन् । हामी प्रतिस्पर्धामै थियौं । त्यो बेलामा एमाले बलियो भन्न मिल्दैन । तत्कालिन समयमा एमाले माओवादीसँग मिलेर लडेको थियो । अहिले त झन माधव नेपालहरू छुट्टिएर आउनु भएको छ । त्यो बेलाको एमाले र माओवादी मिले जस्तो होइन् । हामी लामो समयदेखि राष्ट्रिय अवश्यकता र बाध्यताले विगत डेढ बर्षदेखि मिलेका छौं । त्यस कारणले हामी अहिले बलियो भएर मत परिणाम नै आइसक्यो भन्ने अवस्था पनि होइन ।
तपाईंको प्रतिस्पर्धि, एमालेका उम्मेदवार त अर्को क्षेत्रमाभन्दा यहीँ क्षेत्रमा जित्न सजिलो भनेर चुनावी प्रतिस्पर्धामा आउनुभएको छ नि ?
उहाँहरूको उम्मेदवार सिफारिस हुँदा सर्वसम्मत रूपमा एक जनाको नाम सिफारिस भएको थियो तर अहिले अर्कैले टिकट लिएर आउनुभयो । यहाँ एमालेमा दुःख गरेका, लामो समयदेखि काम गरेका साथीहरूको नाम हटाइदिने गरेको देखियो । तर, काँग्रेसले सर्वसम्मत भएका नाम कहिल्यै हटाएन । त्यसकारणले यहाँ पार्टीले चाहे बमोजिम चल्ने हो कि जनताले चाहे बमोजिम चल्ने हो भन्ने एमाले वृत्तमा बहस देखिन्छ । माथिको अहंकारले गर्दा तलका पार्टी पंक्तिमा पनि राजनीतिक परिवर्तन चाहिएको देखिन्छ । एमालेमा देखिएको असन्तुष्टि हामी र हाम्रो गठबन्धको लागि चुनावी हिसाबले फाइदाजनक नै हुन्छ ।
एमाले र राष्ट्रिय प्रजातन्त्र पार्टी (राप्रपा)ले यस क्षेत्रमा गरेको चुनावी तालमेलले तपाईंलाई चुनौति थपेको छैन र ?
बाटोमा सामान्य उकालो आयो भने पनि गियर परिवर्तन गर्नुपर्छ । त्यसले गर्दा सजगता, सर्तकता अपनाउने आफ्नो ठाउँमा हुन्छ । एमाले र माओवादी एक ठाउँमा उभिदा, काँग्रेस र माओवादी एक ठाउँमा भैसक्दा निर्णय भइसकेको भन्न सकिन्छ । अहिले हामी दलका कुरा होइन दिलका कुरा गरिरहेका छौं । हामी दल होइन दिल गाँस्ने कुरा गरिरहेका छौं । अरू मिल्दा अप्ठ्यारो भन्ने होइन । अघिल्लो पटक पनि ३३ हजार ३ सय मत आएको थियो । एमाले–माओवादी भएको समयमा ३४ हजार मत दिएको थियो । अहिले माओवादी हामीसँग छ । एमालेसँग राप्रपा मिल्दा केही फरक पर्दैन । राप्रपाको ३/४ हजार मत मात्रै देखिन्छ । मतदाताले कुन उम्मेदवारलाई जिताउँदा हाम्रो भूगोल बुझ्छ भन्ने कुराको मनन गर्नुभएको छ । दलहरूले जे भन्छन् त्यही मान्नुपर्छ भन्ने मनोविज्ञानबाट मतदाता पर भइसक्नु भएको छ ।
अघिल्लो निर्वाचनको प्रतिस्पर्धी अहिले तपाईको सारथी बन्नुभएको छ । यसले प्रचारप्रसारमा कति सकारात्मक सन्देश दिएको छ ?
उहाँ बौद्धिक व्यक्तित्व हुनुुहुन्छ । यसपालि एउटा कार्यक्रममा सहभागी हुनुभएको थियो । हिजोका दिनमा मेरो प्रतिस्पर्धी भएर मलार्ई उप–विजेतामा सीमित गराएर उहाँले जित्नु भएको हो । अहिले उहाँले एकाएक नयाँ भुगोलमा आएर कहिले के नबुझिने त कहिले के नहुने हुँदो रहेछ जसको क्षेत्र हो उसैलाई जिम्मा लगाए भन्नु भएको छ । त्यसैले, भूगोल चिनेको नेता चाहिन्छ भन्ने हो । भूगोलबाट राजनीति नगर्ने हो भने त सामानुपातिक छ नि । आफ्नो भूगोल र भावना पनि हुन्छ । यस पटक सबैको साथ र विश्वास छ । यसलाई हामी बलियो बनाएर जान्छौं । विश्वप्रकाश शर्माले झापा–१ बाट मंसिर ४ मा जित्दा त्यो काँग्रेसको मात्र जित नभएर माओवादी, एकीकृत समाजवादी लगायत समग्र झापा–१ को जित हुने मनोविज्ञान बनेको देखिन्छ । झापा–१ ले देशलाई नेतृत्व दिन नसक्ने हो र ? यो क्षेत्रलाई आफ्नै मान्छेको नेतृत्व दिन नसक्ने हो र ?
कांग्रेसमा तपाईं र गगन थापा महामन्त्री हुनुहुन्छ । गगनले प्रधानमन्त्रीको दावी गरेका छन् । तपाईंले पनि गगनको दावीलाई समर्थन गर्नुभएको छ । यो सार्वजनिकरूपमा देखाउन मात्रै भनिएको हो कि तपाईंको पनि दावी छ ?
राजनीतिमा बोलिने सबै अभिव्यक्ति राजनीतिक नै हुन्छन् । तर, के हो भने कसैले म मात्रै हुँ, म भन्दा अन्य कोही हुँदैन्, मसँग मात्रै सम्भावना छ, मसँग मात्रै योग्यता छ भनिरहेको बेलामा अर्को व्यक्ति दावी गरेर आउँछ भने उसलाई अगाडि बढाउने हाम्रो कतव्र्य पनि हो । अब नेतृत्वको परिर्वन हुन खोज्दा समर्थन गर्नु स्वभाविक हो । युवालाई अबको नेतृत्वमा ल्याउन सकिन्छ र बनाउने पनि हो ।
संसदमा भएका नेताहरूले विकासका कार्यक्रम ल्याउने र मतदाता प्रभावित पार्ने गर्छन् । संसदको हैसियतले केही बढी पहुँच पनि हुन्छ । तर, तपाईंजस्तो संसद सदस्य नभएको व्यक्तिलाई संसद भएर आएको व्यक्तिसँग चुनावी प्रतिस्पर्धा त्यति सहज नहोला हैन ?
यस्ता चुनौति आइरहन्छन् । त्यसलाई चिर्दै जाने हो । यी कुराहरू समयसँगै परिमार्जन हुँदै जान्छन् । यसलाई मैले सहजताका रूपमा लिएको छु । मतदातले पनि काम नगर्नेलाईभन्दा काम गर्ने, सम्भावना भएका र राम्रालाई छान्ने नै गर्छन् ।
कांग्रेसको महामन्त्री भएको कारण तपाईंले आफ्नो निर्वाचन क्षेत्र मात्रै नभएर देशभर नै चुनावी प्रचारमा ध्यान दिनुपर्ने हुन्छ । यसको सन्तुलन कसरी मिलाइरहनुभएको छ ?
पक्कै पनि आफ्नो क्षेत्रसँगै अन्यत्र पनि जानुपर्छ । समग्र पार्टीका उम्मेदवारलाई जिताउन नेतृत्वको अहम भुमिका हुन्छ । हामीले आ–आफ्नो क्षेत्रसँगै अन्य क्षेत्रमा पनि जाने र मतदातालाई हौसल्ला दिने गरेका छौं । आज झापा र इलामको संयुक्त चुनावी सभा पनि आफ्नोसँगै गठबन्धनका उम्मेदवार जिताउनका लागि गरिएको थियो ।
कांग्रेसले देशभरमा दिएको उम्मेदवारीमध्ये कति सिट जोगाउन सक्छ भन्ने तपाईंको विश्लेषण छ ?
हामी अधिकांश सिटमा जित्छौ । हाम्रो गठबन्धनले जित्छ । चुनावपछि नेपाली कांग्रेस ठूलो पार्टीसहित कांग्रेसकै नेतृत्वमा सरकार पनि बन्छ ।
प्राध्यापक डा. जयराज आचार्यले प्रधानमन्त्री पुष्पकमल दाहाल ‘प्रचण्ड’को भारत भ्रमण फलदायी नभएको टिप्पणी गरेका छन् । देशको प्राथमिकतालाई पहिचान गर्न नसक्दा प्रधानमन्त्री चुकेको उनको टिप्पणी छ । ‘हा...
नेकपा एमाले संसदीय दलका उपनेता सुवास नेम्वाङले आफूलाई नेपालको संसदीय अभ्यासमा अनुभवी र अभिभावकीय छवि बनाउन सफल भएका छन् । तत्कालीन संविधानसभा अध्यक्षसमेत रहेका नेम्वाङले संविधानसभासहित छ पटक व्यवस्थापिका&nd...
वैशाख १० गते हुने प्रतिनिधिसभा सदस्यको उपनिर्वाचन नजिकिँदै गर्दा चितवनमा राजनीतिक गतिविधि बढेको छ । मंसिर ४ को चुनावमा रास्वपा विजयी भएको चितवन २ मा उपनिर्वाचनका माध्यमबाट आफ्नो राजनीतिक विरासत फर्काउन न...
संघीय संसद्को बजेट अधिवेशन प्रारम्भ भई संवैधानिक प्रबन्धअनुसार दुवै सदनको संयुक्त बैठकमा यही जेठ १५ गते नेपाल सरकारका अर्थमन्त्रीबाट आर्थिक वर्ष २०८०/८१ को वार्षिक आय–व्यय (बजेट) प्रस्तुत भइसकेको छ । ...
लेखक एवं निर्देशक प्रदीप भट्टराईका जति फिल्म प्रदर्शनमा आएका छन्, ती सबैले दर्शकको माया र समीक्षकबाट प्रशंसा पाएका छन् । ‘जात्रा’, ‘जात्रै जात्रा’, ‘शत्रुगते’ र ‘महापुरुष...
बुधवार उच्च अदालत विराटनगर पुग्दा धरान उप–महानगरपालिकाका मेयर हर्क साम्पाङ एक वकिलसहित भेटिए । मुद्दाको पेशी भएकाले उनी आफैं उपस्थित भएका रहेछन् । धरान खानेपानी विकास बोर्डको बैठक नबोलाएको भन्दै सा...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...