मंसिर २६, २०८०
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
पुस ५, २०७९
उमेरले आफूभन्दा ३० वर्ष जेठो रहेका पार्टी सभापति शेरबहादुर देउवाविरुद्ध संसदीय दलको नेतामा उम्मेदवारी दिएर महामन्त्री गगन थापाले कांग्रेस वृत्तमा फेरि हलचल पैदा गरेका छन् ।
पटक–पटक प्रधानमन्त्री, पार्टी सभापति र संसदीय दलको नेता बनिसकेका शेरबहादुर देउवालाई ४६ वर्षीय गगनले टक्कर दिएका छन् ।
गगनको उम्मेदवारीलाई कांग्रेसभित्र पुस्तान्तरणको नयाँ कडीको रूपमा व्याख्या गर्न थालिएको छ ।
चुनावपछि प्रधानमन्त्रीमा एटेम्ट गर्ने उद्घोष गरेका गगनलाई काठमाडौं– ४ बाटै हराइदिन्छन् भन्ने विश्लेषण कांग्रेसमा भएको थियो । तर उनले विगतभन्दा फराकिलो मतान्तरसहित चुनाव जिते ।
देउवाविरुद्ध भिड्न आफ्नै समूहभित्र सहमति जुटाउनु गगनका लागि चुनौती थियो । अन्तिममा शेखर कोइरालाको पनि समर्थन जुटाउन सफल भए ।
संसदीय दलको नेतामा उम्मेदवारी दर्तापछि गगनले भनेका छन्–
नेपाली कांग्रेसभित्र हुन लागेको निर्वाचनले पनि कांग्रेसभित्रको आन्तरिक लोकतन्त्रको परिचय दिइरहेको छ । नेपाली कांग्रेसबाट निर्वाचित भएर आउनुभएका सबै सांसदहरूलाई अहिलेको संसदीय दलको निर्वाचन पार्टीको आन्तरिक निर्वाचन छैन । त्यसैले संसदीय दलको निर्वाचनका लागि मतदान भएर आएका छौं । हामी पार्टीका सदस्यहरूले मात्र छानेर मतदाता भएका होइनौं, आमजनताले छानेर मतदाता भएका हौं । मत हाल्ने सांसदहरूले हो । सांसदहरूले जनताको प्रतिनिधित्व गर्नुपर्छ । त्यसैले यो बेला आममतदाताहरूको माग के छ, उनीहरूले के चाहन्छन्, उनीहरूको प्रतिनिधित्व नेपाली कांग्रेसबाट निर्वाचित सांसदहरूले भोलिको निर्वाचनमा पनि गर्नुहुन्छ भन्ने विश्वास व्यक्त गर्दछु । पार्टी सभापतिसँग निर्वाचन लड्दैगर्दा विगतमा पार्टी सभापतिसँग उभिएको जस्तैगरी स्मरण गर्नुपर्छ । पार्टीलाई जीवन्तताका लागि यो आवश्यक छ । नेपाली कांग्रेसको भविष्य र अपेक्षासँग यो कुरा जोडिएको छ । नेपाली कांग्रेस नेतृत्वको सरकारबाट जनताले अपेक्षा गरेको सुशासन हो । सुशासन र सुखद् परिणामका निम्ति कांग्रेसको दाबी हो । यसका निम्ति सांसदहरूले आफ्नो विवेकको प्रयोग गर्नुहुन्छ ।’
कांग्रेसमा बनेको समीकरण
गगनको उम्मेदवारीसँगै कांग्रेसमा नयाँ सम्भावना र समीकरण बनाइदिएको छ । महामन्त्री विश्वप्रकाश शर्मादेखि प्रदीप पौडेल समेत एकै ठाउँमा उपस्थित भएका छन् ।
सिंहदरबारबाट सार्वजनिक भएको यो फोटोले कांग्रेसमा नयाँ तरंग सिर्जना गरिदिएको छ ।
काठमाडौं– ४ बाट गगन विजयी भएलगत्तै बधाई दिने क्रममा विश्वप्रकाशले गगनलाई संसदीय दलको नेता र भावी प्रधानमन्त्रीमा समर्थन गर्ने बताएका थिए ।
गत वर्ष भएको १४ औं महाधिवेशनमा फरक प्यानलबाट महामन्त्री लडेका विश्वप्रकाशले गगनलाई समर्थन गर्नुको राजनीतिक अर्थ र सन्देश छ ।
१५ औं महाधिवेशनमा विश्वप्रकाशलाई सघाउने शर्तमा अहिले गगनलाई समर्थन गरेको भनेर बाहिर चर्चा भएको छ । तर, विश्वप्रकाशले नै भनेका छन्, ‘अहिले हामी खोलो तर्दैछौं । पहाड चढ्नेबारे अहिले सल्लाह भएको छैन । महाधिवेशन ४ वर्ष पछि छ ।’
विश्वप्रकाशसँगै प्रदीप पौडेलले पनि गगनलाई समर्थन गरेका छन्, जो सभापति शेरबहादुर देउवाको प्यानलबाट महामन्त्रीको उम्मेदवार बनेका थिए । कांग्रेसमा ‘च्याँखे थापेर शक्ति आर्जन’ गर्ने आरोप लागेका कृष्ण सिटौला समूहको समर्थन लिने क्रममा सिटौला समूहले पौडेललाई महामन्त्री भिडाएको थियो । विगतमा गगन पनि सिटौला समूहमै थिए ।
महाधिवेशनमा देउवाको समर्थन गरे पनि प्रदीपको केमेस्ट्री मिल्ने भनेको गगन र विश्वप्रकाशसँग नै हो । पहिलोपटक संसदीय चुनाव जितेका प्रदीप युवाहरूको भावना र चाहनाकै कारण गगनलाई समर्थन गर्न बाध्य भए । उनलाई देउवा क्याम्पमा लाग्दा परिवर्तनविरोधी भिलेन बनेको बिल्ला लाग्न सक्थ्यो ।
शेखरले चालेको सुझबुझपूर्ण कदम
संसदीय दलको नेताका स्वाभाविक दाबेदार रहे पनि कोइराला गगनको नाममा सहमत भए । शेखर र गगनबीच सहमति गराउन भूमिका खेलेका एक नेताका अनुसार आगामी महाधिवेशनमा कोइरालालाई सभापतिको उम्मेदवार बनाउने भद्र सहमति भएको छ ।
उम्मेदवारी दर्तापछि शेखरलाई धन्यवाद दिँदै गगनले भनेका थिए, ‘पार्टीभित्र युवाहरूको चाहनाको बेगलाई उहाँले बुझेर संरक्षकत्व गर्नुभएको छ ।’
गगनको उम्मेदवारीको प्रस्तावक रहेका कोइरालाले संसदीय दलको कार्यालयमा उभिएर भने, ‘हामीहरूको बीचमा धेरै छलफल भयो । गगन थापाले भनेजस्तै स्थायित्व र निरन्तरताका लागि हामीले उहाँलाई संसदीय दलको नेतामा अगाडि सारेका हौं । आगामी पार्टी सभापतिको सहमतिको विषयमा भोलिका दिनमा हेर्दै जानुपर्छ । त्यो विषयमा गगनजीले बोलिसक्नुभएको छ,’ कोइरालाले भने ।
संसदीय दलको नेतामा संस्थापनइतरबाट दुवैजना उम्मेदवार बनेको भए दुवैले हार्ने र शेखर–गगन समूहमा फाटो आउने निश्चित थियो । पछि हट्न तयार नरहेका गगनलाई समर्थन गरेर कोइरालाले एकप्रकारको त्याग गरेका छन्, तर राजनीतिक लाभ लिइरहेका छन् ।
कोइरालाले देखाएको उदारताले १५ औं महाधिवेशनमा उनको सभापतिको दाबेदारी बलियो भएको छ । १४ औं महाधिवेशनको संघारसम्ममा संस्थापनइतरको नेता रामचन्द्र, शेखर या शशांक भन्नेमा विवाद थियो । संसदीय दलको नेतामा गगनलाई समर्थन गरेपछि १५ औं महाधिवेशनका लागि शेखर यो समूहबाट नेता बनेका छन् र उनले महाधिवेशनको तयारीका लागि समय पाएका छन् ।
संसदीय दलको नेतामा गगन विजयी हुने/नहुने केही घण्टापछि थाहा भइहाल्छ । संस्थापन पक्षका सांसद बाहुल्य रहेको समीकरण बदल्न सानोतिनो चमत्कार नै गर्नुपर्नेछ । तर, कांग्रेसको भविष्य र अहिलेका युवाको चाहनालाई बुझ्ने केही सांसदले कित्ता फेर्ने अनुमान कांग्रेसमा व्यापक छ ।
संसदीय दलको नेतामा जीतहार जेसुकै भए पनि शेखर, गगन, विश्वप्रकाश र प्रदीपहरूको एकजुटले कांग्रेभित्रको परिवर्तनको आकांक्षालाई उत्कट बनाइदिएको छ ।
देउवाको चतुर्याइँ र रामचन्द्रको लाचारी
संसदीय दलको चुनावमा देउवाले फेरि अर्को बाजी मारेका छन् । हिजोसम्म संसदीय दलको नेता बनेर प्रधानमन्त्री बन्ने लालसासहित रामचन्द्रले कसरत गरिरहेका थिए । आफू प्रधानमन्त्री बन्दा सबैको चित्त बुझ्ने र आफूप्रति सहानुभूति रहेको दाबी गरेका पौडेल अन्तिममा देउवाको पक्षमा उभिए ।
देउवालाई समर्थन गर्नुको कारणमा पौडेलले भनेका छन्, ‘अहिलेको असहज परिस्थितिमा नेपाली कांग्रेसभित्र विश्वासको वातावरण बनाउन आवश्यकता भएकाले मैले पार्टी सभापति शेरबहादुर देउवालाई संसदीय दलको नेतामा प्रस्ताव गर्ने भएको छु । पार्टी सभापतिलाई संसदीय दलको नेतामा सर्वसम्मत चयन गर्न सबैलाई आग्रह गर्दछु ।’
१३ औं महाधिवेशनमा आफूविरुद्ध उम्मेदवारी दिएका, २०६४ सालमा संसदीय दलको चुनावमा भिडेका र एकप्रकारले पार्टीभित्रका प्रतिस्पर्धी नेतालाई आफ्नो प्रस्तावक राखेर देउवाले आफूलाई राजनीतिको अब्बल खेलाडी प्रमाणित गरेका छन् । देशले आफ्नो भूमिका खोजिरहेको दाबी गर्ने पौडेलले सिंहदरबारको बाटो भन्द भए पनि शीतलनिवासको बास हुने आशा राखेर देउवालाई समर्थन गर्न विवश भएको चर्चा छ ।
आफूलाई संस्थापनइतरको नेता दाबी गर्ने पौडेल १४ औं महाधिवेशनमा सभापतिको उम्मेदवार बन्न नपाएपछि तटस्थ बसेका थिए । तटस्थ बसे पनि उनको समर्थन देउवालाई थियो भन्ने अहिले आएर प्रमाणित भएको छ । विगतमा कोइराला (गिरिजाप्रसाद) क्याम्पमा बसेर देउवालाई कर्नरमा पारेका पौडेल अहिले आएर देउवाको प्रस्तावक बन्नु कांग्रेसमा रोमाञ्चक घटना भएको छ ।
दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...
सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...
फागुन २१ मा नाटकीय ढंगले सत्ता समीकरण बदलिएको दुई महिना पनि नबित्दै नयाँ समीकरणका लागि कसरत भइरहेको संकेत देखिएको छ । नेपाली राजनीति तथा सत्ताका खेलाडीसँग निकट विश्वसनीय स्रोतले भित्रभित्रै अर्को नयाँ स...
अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...
एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...
आफ्नो तेस्रो कार्यकालको दोस्रो वर्षलाई प्रभावकारी बनाउने भनी दाबी गरेका प्रधानमन्त्री पुष्पकमल दाहाल ‘प्रचण्ड’ले कांग्रेस महामन्त्री गगन थापालगायत केही नेतासँग नियमित सल्लाह सुझाव लिन थालेका छन् । रा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...