३१ असार २०८३, बुधबार
भारतको मध्य प्रदेशको राजधानी भोपालमा धोती कुर्ता लगाएर वटुकहरूले क्रिकेट खेलेका छन् ।
उक्त खेलको कमेन्ट्री संस्कृत भाषामा गरिएको छ ।
अंकुर मैदानमा भारतीय जनता पार्टी खेल प्रकोष्ठले आयोजना गरेको महर्षि कप क्रिकेटका क्रममा रमाइलो दृश्य देखिएको हो ।
बुधवारबाट शुरू भएको प्रतियोगिता शुक्रवारसम्म चल्नेछ ।
प्रदेशभरिका १२ वटा टीमले प्रतियोगितामा भाग लिएका छन् । कर्मकाण्डी ब्राह्मण समाजका अभिषेक दुबे र अंकुर पाण्डेले आयोजनको नेतृत्व गरेका छन् ।
वैदिक ब्राह्मणहरूलाई खेलकुदमा सहभागी गराउन र संस्कृत भाषाको प्रचारप्रसार तथा संवर्धन गर्न यो प्रतियोगिता आयोजना गरिएको भाजपा खेल प्रकोष्ठका प्रदेश संयोजक श्रवण मिश्राले बताए । क्रिकेट मात्र नभई अन्य खेलमार्फत पनि संस्कृत भाषालाई खेलमैदानहरूमा गुञ्जाइने उनको भनाइ छ ।
प्रतियोगितामा टेनिस बल उपयोग गरिएको छ । यसमा १० ओभरको एक म्याच हुनेछ ।
फाइनल जित्ने टोलीलाई ३१ हजार भारु पुरस्कार दिइनेछ ।
भोपाल में धोती-कुर्ते में खेला जा रहा है क्रिकेट. संस्कृत में हो रही है कमेंट्री. देखें आजतक संवाददाता रवीश पाल सिंह की रोचक रिपोर्ट.#ReporterDiary (@ReporterRavish) pic.twitter.com/Yz4AhCVbMJ
— AajTak (@aajtak) January 5, 2023
